"მანჩესტერ იუნაიტედი" მომდევნო ზაფხულს ჰარი მაგუაერის შესახებ შეთავაზებებს განიხილავს, ვინაინდა ერიკ ტენ ჰაგი გუნდის კაპიტნის გაყიდვიდან მიღებული შემოსავლით შემადგენლობის განახლებას აპირებს. მაგუაერი "იუნაიტედმა" 80 მილიონ ფუნტად შეიძინა, თუმცა კლუბი აცნობიერებს, რომ გარკვეულ დანაკარგზე წასვლა მოუწევს.

სიახლე მსოფლიო ჩემპიონატის დაწყებამდე რამდენიმე დღით ადრე გავრცელდა, სადაც მაგუაერი გარეტ საუთგეითის გუნდის სასტარტო შემადგენლობის წევრად იქნება, თუმცა იგივე არ ხდება "წითელი ეშმაკების" რიგებში.

ოლე გუნარ სოლსკიაერის მიერ "ლესტერიდან" შეძენილმა ფეხბურთლმა მიმდინარე სეზონში ტენ ჰაგის გუნდში "ბრაიტონთან" და "ბრენტფორდთან" საწყის ორ ტურში განცდილი მარცხის შემდეგ ერთადერთი შეხვედრა დაიწყო სასტარტოში პრემიერ ლიგის ეგიდით.

მაგუაერი გუნდის მეოთხე არჩევანია დაცვის ხაზში, ძირითად წყვილს კი ლისანდრო მარტინესი და რაფაელ ვარანი წარმოადგენენ, ხოლო ამ უკანასკნელის ტრავმიანობის პერიოდში მარტინესს ვიქტორ ლინდელოფი უწევდა პარტნიორობას.

მაგუაერმა 2019 წელს 6-წლიანი კონტრაქტი გააფორმა გუნდთან, რომელსაც 2026 წლამდე გახანგრძლივების პერსპექტივა აქვს. მისი ყოველკვირეული ანაზღაურება 190 ათასი ფუნტია, თუმცა ფორმის დაკარგვის გამო რთული წარმოსადგენია, რომ გუნდმა 80 მილიონად შეძლოს ინგლისელის გაყიდვა.

ტენ ჰაგის ფეხბურთელის პროფესიონალიზმით მოხიბლულია, მაგრამ იმასაც ამჩნევს, რომ მაგუაერი ძალიან ნელია და ეს პრობლემაც მიაჩნია, შესაბამისად, მისი გაყიდვით სურს, მარტინესაა და ვარანს რეალური კონკურენცია შეუქმნას დაცვის ხაზში.

მცველის გარდა ტენ ჰაგი ფრედთან განშორებასაც გეგმავს, როცა ივნისში მისი კონტრაქტი ამოიწურება. "იუნაიტედს" შეთანხმების 12 თვით გახანგრძლივების საშუალება აქვს, მაგრამ მას არ გამოიყენებს.

ტენ ჰამი მოხიბლულია ფრედის მიდგომითა და გუნდური ეთიკით, მაგრამ ნახევარდაცვის ხაზში სხვა მოთხოვნილებები აქვს, რომელსაც თავისი პროფესიონალიზმით მხოლოდ კაზემირო აკმაყოფილებს.

წყარო: The Guardian