"იუნაიტედი" დაუმარცხებელია თებერვლის თვეში, ერთადერთი თამაში, რომელიც მათ ვერ მოიგეს იყო "რეალ მადრიდის" წინააღმდეგ.

ხმის მისაცემად შეირჩა 6 ფეხბურთელი, რომელთაც დიდი წვლილი შეიტანეს ამ შესანიშნავ სერიაში:

დევიდ დე ჰეა უდავოდ ერთ-ერთი გამორჩეული კანდიდატია ამ ჩამონათვალში, რომელიც შესანიშნავ ფორმაში იმყოფება და "ბერნაბეუზე" მატჩის საუკეთესო ფეხბურთელადაც დასახელდა. მატჩის საუკეთესო ფეხბურთელის ჯილდოზე ის ამ თვეში ოთხჯერ იყო ნომინირებული, მათ შორის იყო "ფულემის" წინააღმეგ.

რაფაელი ორჯერ გახდა მატჩის საუკეთესო ფეხბურთელი ("ევერტონის" და"ქპრს" წინააღმდეგ), ის შესანიშნავ სეზონს ატარებს. მიუხედავად იმისა, რომ ის ბევრ შეცდომას უშვებდა პირველ ტაიმში "რეალ მადრიდის" წინააღმდეგ, მან მოახერხა ძალების მოკრება და შესანიშნავი მეორე ტაიმი გვაჩვენა.

ამ სიაში მოხვდა ორი ცენტრალური მცველი ნემანია ვიდიჩი და რიო ფერდინანდი, მათ ერთად ითამაშეს "ლოფტუს როუდზე" და კარი მშრალად შეინახეს, ისინი ძალიან კარგ ფორმაში იმყოფებიან.

მაიკლ კერიკმა საბოლოოდ მიიღო დაფასება გულშემატკივრებისგან, ფანების მის სახელს სკანდირებდნენ შაბათის მატჩში. მისი სტაბილური თამაში გარანტიას იძლევა, რომ ის ნომინირებული იქნება "იუნაიტედის" წლის საუკეთესო ფეხბურთელის ჯილდოზე.

ყველანაირი სიტყვა ზედმეტია რაიან გიგზის აღსაწერად. მან "პრემიერ ლიგის" ორ მატჩში მოახერხა ორი გოლის გატანა, რითაც ძალიან დაეხმარა გუნდს სეზონის გადამწყვეტ პერიოდში.

ხმის მიცემა შეგიძლიათ აქ