ოლე გუნარის მოსვლის შემდეგ "იუნაიტედში" სიტუაცია საგრძნობლად შეიცვალა. "წითლები" ჩემპიონთა ლიგის შემდეგ ეტაპზე გავიდნენ და ამასთანავე ოთხეულამდე სხვაობა 11 ქულიდან 2 ქულამდე დავიდა. პოლ პოგბა სოლსკიაერის მოსვლის შემდეგ ბედნიერია. "რა თქმა უნდა, გვინდა, რომ დარჩეს. შედეგები იდეალურია. მასთან ძალიან კარგი ურთიერთობა მაქვს და თანაც არა მარტო მე, აბსოლუტურად ყველა ფეხბურთელს."
"როდესაც ფეხბურთელი ბედნიერია, სურს რომ ასეთად დარჩეს. ის ამას იმსახურებს. ოლე კარგად იცნობს კლუბს, კარგად იცის ყველაფერი ამ გუნდის შესახებ."
"ის ბედნიერი მწრთვნელია, ფეხბურთელებს თავდაჯერება დაუბრუნა. მისი მოსვლის შემდეგ თავისუფლები ვართ, ვთამაშობთ და ფეხბურთით სიამოვნებას ვიღებთ. ისევ უნდა ვისწავლოთ, თუ როგორ გავბედნიერდეთ ჩვენი საყვარელი სპორტით, რადგან ბოლო დროს ეს სიამოვნება დაკარგული გვქონდა."
"თავდაჯერება გვაკლდა, უფრო ზუსტად, საერთოდ აღარ გვქონდა, სწორედ ეს შეიძლება ყოფილიყო ძველი შედეგების გამომწვევი მიზეზი."
"თუმცა ახლა ამაზე ლაპარაკის დრო არ არის. არ მიყვარს წარსულზე საუბარი, მომავალზე საუბარი უფრო მხიბლავს, რადგან სწორედ ამას აქვს მნიშვნელობა და არაფერს სხვას."
"ჩვენ ახლა გაცილებით უკეთესები ვართ და შედეგები უბრალოდ ბრწყინვალეა. ოთხეულში სულ მალე დავბრუნდებით."