"მანჩესტერ იუნაიტედი" ინტერესის სფეროში "ბენფიკას" ახალგაზრდა მცველი, რუბენ დიაში მოექცა, ინფორმაციას The Sun-ი ავრცელებს.

გასულ სეზონში დიაში პორტუგალიის პრიმეირა ლიგის საუკეთესო ახალგაზრდა ფეხბურთელად დასახელდა. 21 წლის ფეხბურთელი "ბენფიკას" აღზრდილი გახლავთ, იგი პორტუგალიური გუნდის დაცვის ლიდერად ყალიბდება, რამაც წამყვანი ევროპული გუნდების დაინტერესება გააჩინა. როგორც ცნობილია, მისი შეძენით ასევე ტურინის "იუვენტუსიც" ინტერესდება.

წყაროს მიერ გავრცელებული ინფორმაციით, მანჩესტერელთა სკაუტები ხორვატიაში, ევროპა ლიგის მატჩზე იმყოფებოდნენ, სადაც "ბენფიკა" "დინამო ზაგრებს" დაუპირისპირდა.

21 წლის მცველს პორტუგალიურ კლუბთან კონტრაქტი 2021 წლამდე აკავშირებს. მიმდინარე სეზონში პორტუგალიელმა მცველმა "ბენფიკას" მაისურით 42 შეხვედრა ჩაატარა და 2 გოლის გატანა მოახერხა.