ფილიპე კოუტინიო კლუბის ერთ-ერთ სატრანსფერო სამიზნედ მიიჩნევა.
"მანჩესტერ იუნაიტედმა" "ბარსელონასთან" ფილიპე კოუტინიოს ტრანსფერის თაობაზე მოლაპარაკებები წამოიწყო.
ბრაზილიელი ფეხბურთელი კატალონიურ კლუბს გასულ წელს შეუერთდა, მაგრამ "ლივერპულიდან" გადასვლის შემდეგ თავის დამკვიდრება ვერ მოახერხა.
"მერსეისაიდელები" კოუტინიოს ხელახლა შეძენაზე ფიქრობენ, მაგრამ CaughtOffside-ის ცნობით, სხვა დიდი კლუბებიც აკვირდებიან მდგომარეობას.
"მანჩესტერ იუნაიტედი", "ჩელსი", "მანჩესტერ სიტი" და "პარი სენ-ჟერმენი" მსურველთა რიცხვში არიან, თუკი კოუტინიო "ნოუ კამპის" დატოვებას დააპირებს.
იმავე გამოცემის ცნობით, "იუნაიტედმა" ყველაზე პირველმა მიმართა "ბარსელონას", რათა კონკურენტებს 26 წლის ფეხბურთელის შეძენა დაასწროს, თუმცა ფეხბურთელის პოზიცია ჯერჯერობით უცნობია და ერთი შეხედვით არც ისე მარტივი, ვინაიდან კოუტინიოს "ენფილდზე" თავისი რეპუტაციის საბოლოოდ მოსპობა მოუწევს მოწინააღმდეგე გუნდის რიგებში გადასვლით.
თავის მხრივ, ადვილად წარმოსადგენია, რატომ სურს "იუნაიტედს" კოუტინიოს შეძენა - მის მიერ პრემიერ ლიგაში გატარებული პერიოდით დაამტკიცა, რომ უმაღლეს დონეზე თამაში შეუძლია და შესანიშნავად ჩაანაცვლებს ალექსის სანჩესს, რომელსაც "ოლდ ტრაფორდზე" თავისი თამაში ჯერ კიდევ ვერ უპოვია.
"ბარსელონადან" კოუტინიოს კონტრაქტის გამოსასყიდ თანხად დაახლოებით 100 მლნ. ფუნტი სახელდება და მის გადასახდელად მზად იქნება "ჩელსიც", რომელსაც ედენ აზართან განშორების საფრთხე ემუქრება.
წყარო:
caughtoffside