დასრულდა პრემიერ ლიგის 2017/18 წლების სეზონის გათამაშება. ინგლისის ჩემპიონობა, შესანიშნავად ჩატარებული სეზონის შემდეგ ხოსეპ გვარდიოლას "მანჩესტერ სიტიმ" მოიპოვა. ქალაქელებმა სარეკორდო 100 ქულის მოგროვება შეძლეს და უახლოეს მდევარ "მანჩესტერ იუნიტედს" შანსი არ დაუტოვეს.
ჟოზე მოურინიოს მონაგარი მიმდინარე სეზონში 81 ქულას შეადგენს. გარდა ამისა, "წითელი ეშმაკები" ასოციაციის თასის ფინალში გავიდნენ და "უემბლიზე" მოურინიოს თაოსნობით მეოთხე ტიტულის მოპოვებას შეეცდებიან.
რაც შეეხება მეორე ფინალისტს ლონდონის "ჩელსის", შეიძლება ითქვას, რომ შარშანდელი ტრიუმფის შემდეგ "არისტოკრატებმა" სეზონი უბრალოდ ჩააგდეს და სატურნირო ცხრილის მე - 5 - ე ადგილსაც დაჯერდნენ. რაც მანიშნებელია იმის, რომ მათ მომავალ სეზონში ჩემპიონთა ლიგის გათამაშებაში მონაწილეობის უფლება არ ექნებათ. მოპოვებული 70 ქულა არ აღმოჩნდა საკმარისი იმისთვის, რომ ევროპის ყველაზე პრესტიჟულ ტურნირზე ასპარეზობის უფლება მოპოვებულიყო.
შემადგენლობებს რც შეეხება, მატჩისწინა პრესკონფერენვია გამართა "წითლების" პორტუგალიელ მენტორმა ჟოზე მოურინიომ რომელმაც განაცხადა, რომ გუნდი სათამაშოდ მზად არის. მწყობრშია "იუნაიტედის" შემადგენლობის ყველა წამყვანი ფეხბურთელი გარდა რომელუ ლუკაკუსა რომელმაც როგორც ჩანს ტრავმის ბოლომდე მოშუშება ვერ შეძლო და მატჩს სათადარიგო სკამიდან დაიწყებს.
ტრავმა მოიშუშა და სრულ მზადყოფნაშია ფრანგი შემტევი ენტონი მარსიალი რომელიც ბოლო დროს პრესის მხრიდან პოპულარობას არ კარგავს. მოგეხსენებათ ენტონის კლუბის დატოვებას უწინასწარმეტყველებენ. მოურინიომ ასევე განაცხადა, რომ ფინალში კარს დავიდ დე ხეა დაიცავს და არა სერხიო რომერო. რომელიც აღნიშნულ ტურნირზე ძირითადი მეკარის ადგილს იკავებდა.
შეხვედრა თბილისის დროით 20:15 სთ-ზე აიღებს სტარტს. საინტერრესოა თუ ვინ ჩაატარებს სეზონს უტიტულოდ, ჟოზე მოურინიოს "მანჩესტერ იუნიტედი" თუ ანტონიო კონტეს ლონდონის "ჩელსი".