ანდერ ერერას სურს, დერბიში მოპოვებული გამარჯვება საყრდენი აღმოჩნდეს "მანჩესტერ იუნაიტედის" სამომავლო წარმატებისა.
ნახევარმცველი აცხადებს, რომ მოთამაშეთა სიამაყე და გულშემატკივართა წინაშე დანაშაულის შეგრძნება იყო გადამწყვეტი ფაქტორი "ეტიჰად სტედიუმზე" 2-ბურთიანი ჩამორჩენის შემდეგ მოგებულ მატჩში. "მანჩესტერ იუნაიტედში" გატარებული კარიერის განმავლობაში ეს ჩემი ერთ-ერთი საუკეთესო და ყველაზე ემოციური თამაში იყო.
შესვენებაზე ტაქტიკის შესახებ ბევრი არ გვისაუბრია. ჩვენ მხოლოდ ვისაუბრეთ ჩვენს სიამყეზე, კლუბზე და იმაზე, რომ "იუნაიტედის" ჩამოწერა არ შეიძლება.
ვიცოდით, რომ ჩვენს გულშემატკივრებს წაგების შემთხვევაში რთული ღამე ექნებოდათ. ამიტომაც გავაკეთეთ ეს მათთვის, მაგრამ ასევე ჩვენთვის და ჩვენი პოზიციისთვის, თუმცა უფრო მეტად მათთვის.
ჩვენი ფანებისთვის მნიშვნელოვანი მატჩი იყო. მათ გამო ვწუხდი, რადგან რთული დღე ელოდათ. მაგრამ ეს არის "მანჩესტერ იუნაიტედი" და ის არავინ უნდა ჩამოწეროს.
შესვენებაზე ყველა ლაპარაკობდა. რა თქმა უნდა, უფრო მეტად საუბრობდნენ უფროსი ბიჭები, ვინც უფრო გამოცდილნი არიან - ეში და მაიკლი, რომელიც ასევე იმყოფებოდა გასახდელში - მათ სიტყვებს ძალა აქვს, მაგრამ ასევე სხვებიც ლაპარაკობდნენ."
"სიტისთან" გამარჯვებამ "იუნაიტედის" მეორე ადგილზე გასვლის შანსი კიდევ უფრო გაამყარა და ერერა აცხადებს, რომ მომდევნო სეზონში გუნდი ამაზე მეტისთვის იბრძოლებს. "ჩემპიონატში ჩვენი ადგილის გასამყარებლად ძალიან მნიშვნელოვანი იყო. მეორე ადგილზე გასვლა და მომდევნო სეზონში უფრო ძლიერი "მანჩესტერ იუნაიტედის" აშენება გვსურს. სულ ეს არის.
ამდენი ქულით ჩვენ ახლა ტიტულისთვის უნდა ვიბრძოდეთ, მაგრამ ამ სეზონის მაქსიმალურად კარგად დასრულებას ვეცდებით.
გაზეთში, ჟურნალში ყველა იმაზე ლაპარაკობდა, თუ რას ნიშნავს ეს შედეგი დაპირისპირებისთვის, დერბისთვის, ჩვენი მეტოქისთვის, მაგრამ ჩვენ მხოლოდ "მანჩესტერ იუნაიტედზე" ვფიქრობთ. სულ ეს არის, სხვები არ გვაინტერესებს."