დღეს თბილისის დროით 20:30 სთ-ზე ინგლისური დერბი გაიმართება. ინგლისის ჩემპიონობასთან ახლოს მყოფი "მანჩესტერ სიტი" ცხრილის მეორეადგილოსან "მანჩესტერ იუნაიტედს" უმასპინძლებს და გამარჯვების შემთხვევაში ტიტულს ოფიციალურად დაესაკუთრება.

თავის მხრივ სხვა გეგმები აქვს "იუნაიტედის" მთავარ მწვრთნელ ჟოზე მოურინიოს, რომელმაც განაცხადა, რომ აპირებს თანაქალაქელ გუნდს აღნიშნული ტიტულის ოფიციალურად მოპოვების ვადები სულ უფრო გაახანგრძლივოს და მოედანზე სამი ქულის მოსაპოვებლად გავა.

"ჩვენ ამ მატჩში გამარჯვების მიღწევა გვსურს, არ ვაპირებ "მანჩესტერ სიტის" ადვილად დავუთმო თამაში. ჩვენ უბრალოდ გვსურს გავიდეთ მოედანზე და თამაში მოვიგოთ, თუ ეს რა თქმა უნდა შესაძლებელი გახდება. მათთვის ჩემპიონობაში ხელის შეშლა გვინდა, ეს ნორმალურია.

დერბიში წარმატების მიღწევა საჭიროა. შემდეგ ტურში ისინი "ტოტენჰემს" დაუპირისპირდებიან, სადაც ასევე არ ექნებათ მარტივი თამაში. გვინდა, რომ მათი ჩემპიონობა ცოტახნით კიდევ გადავდოთ". - ციტირებს Manchester Evening news - პორტუგალიელის სიტყვებს.

წყარო: euro-football