ჩემპიონთა ლიგის მერვედფინალურ დაპირისპირებაში "სევილიასთან" განცდილი მარცხის შემდეგ, ჟოზე მოურინიოს ხასიათი "ბრაიტონთან" გამართულმა შეხვედრამაც ვერ გამოუსწორა მეტიც, მატჩის შემდგომ გამართულ პრესკონფერენციაზე ლუკ შოუ და ანტონიო ვალენსია ღიად გააკრიტიკა, პორტუგალიელი სხვა ფეხბურთელების გარჯითაც დარჩა უკმაყოფილო, მაგრამ დანარჩენების ვინაობა არ გაუმხელია.
პრესკონფერენციის დასრულების შემდეგ, არ წყდება საუბრები ლუკ შოუს მომავალთან დაკავშირებით, რომელიც დიდი ალბათობით გუნდს დატოვებს. შექმნილ სიტუაციას ლონდონის "ტოტენჰემის" გარდა, ლონდონის "ჩელსიც" აკვირდება.
დიდი ალბათობით ლუკ შოუ მიმდინარე ზაფხულს, გუნდიდან წასული ერთადერთი ფეხბურთელი არ იქნება, და წამსვლელთა რიცხვი შეიძლება ორ ნიშნიანიც კი იყოს.
დავიწყოთ მეკარის პოზიციით, მოგეხსენებათ სემ ჯონსტონი აქსელ ტუანზებესთან ერთად, არენდით იმყოფება ჩემპიონშიპის ბინადარ "ასტონ ვილაში" და გუნდის პირველ ნომრადაც ითვლება, დიდი ალბათობით ბირმინგემელები სემთან სრულფასოვანი კონტრაქტის გაფორმებას მოისურვებენ და 8 მილიონ ფუნტსაც დახარჯავენ.
ყველაზე მეტი ფეხბურთელი შეიძლება ითქვას დაცვის რგოლიდან წავა, ზემოთ ხსენებული ლუკ შოუს გარდა, რომელიც 25-30 მილიონადაა შეფასებული, დიდი ალბათობით იგივე ბედს გაიზიარებს დეილი ბლინდი, რომლის შეძენითაც ზამთარში "რომა" იყო დაინტერესებული. ფაქტიურად გარკვეულია მატეო დარმიანის მომავალიც, რომელიც დიდი ალბათობით "იუვენტუსის" მაისურს მოირგებს. მიუხედავად იმისა, რომ რეგულარულ სათამაშო პრაქტიკას იღებს კრის სმოლინგი, ეს მეტწილად თანაგუნდელების ტრამვების დამსახურებაა, და მასაც მოუწევს კლუბის დატოვება, შეგახსენებთ მის მომავალს ხშირად უკავშირებდნენ ლონდონის "არსენალს". კლუბს ერთი წლით დაუკავშირა საკუთარი მომავალი ეშლი იანგმა, მაგრამ მის მომავალზე საუბრები არ შეწყვეტილა და დიდი ალბათობით ინგლისელს ზაფხულში მსურველები მრავლად ეყოლება.
ნახევარმცველებიდან უკვე დადასტურებულად შეიძლება ითქვას, რომ მაიკლ კერიკი ფეხბურთის ამპლუაში დაემშვიდობება გუნდს და სამწვრთნელო შტაბს შეუერთდება. ყოველდღიურად ვრცელდება სიახლეები მარუან ფელაინისა და მისით დაინტერესებული თურქული გრანდების შესახებ. კლუბთან მოქმედი ხელშეკრულებები ერთი წლით გააგრძელეს ესპანელებმა, ხუან მატამ და ანდერ ერერამ, მაგრამ ჟურნალისტების ვარაუდით, ამის მიზეზი მათი უფასოდ დაკარგვის შიში იყო. ანდერ ერერათი დაინტერესებულ კლუბებში მადრიდის "ატლეტიკო" და "მილანის" სახელებიც ფიგურირებს. ესპანური პრესა ვარაუდობს, რომ კლუბში დაბრუნებას ნაკლებად მოინდომებს ანდრეას პერეირა, რომელიც "ვალენსიაში" თავს ფანტასტიურად გრძნობს, და ტრამვამდე სათამაშო პრაქტიკის არ ქონასაც ნაკლებად უჩიოდა.
ყველაზე ნაკლები შანსებია, მაგრამ ფაქტია მის ტრანსფერზე მუშაობს ტურინის "იუვენტუსის" სპორტული დირექტორი პაველ ნედვევდი, რომელიც ენტონი მარსიალის პირად აგენტს უკვე შეხვდა ერთ-ერთ ლონდონურ რესტორანში, და ფრანგის შესაძლო ტრანსფერის შესახებ ისაუბრეს. მარსიალმა სეზონი შესანიშნავად დაიწყო, მაგრამ კლუბში ალექსის სანჩესის მოსვლის და მარჯვენა ფლანგზე გადაყვანის შემდეგ, მისმა შედეგიანობამ იკლო. სანჩესის გარდა ენტონის უშუალო კონკურენტად შეიძლება ჩაითვალოს მარკუს რეშფორდი, რომელმაც თავის მხრივ პირადად გადაწყვიტა "ლივერპულთან" მატჩის ბედი. და ბოლოს ზლატან იბრაჰიმოვიჩი, შვედი ლეგენდა ცალი ფეხით ამერიკაშია და როგორც ამბობენ, მისი ოჯახი ლოს ანჟელესში სახლსაც ეძებს, რომ ადგილობრივ "გალაქსიში" გააგრძელოს კარიერა.