ოთხშაბათს ღამე "სევილიასთან" ნათამაშები 0-0 ფრის შემდეგ ჟოზე მოურინიომ გადაწყვიტა, თავის ინტერვიუერს ჩახუტებოდა, როცა მან ახალგაზრდა სკოტ მაკტომინეიზე წამოიწყო საუბარი ნაცვლად იმისა, რომ პოლ პოგბაზე ეკითხა.

"იუნაიტედმა" მეტოქე ჩემპიონთა ლიგის მატჩის შემდეგ, შესაძლოა, გაკვირვებული დატოვა, ვინაიდან ჟოზე მოურინიოს მიერ შერჩეული შემადგენლობა თავდაცვაზე უფრო ფიქრობდა, ვიდრე შეტევაზე.

მატჩის შემდეგ მოურინიო საკმაოდ კარგ განწყობაზე იმყოფებოდა და როცა ჟურნალისტმა მაკტომინეის კარგ თამაშზე გაამახვილა ყურადღება იმის ნაცვლად, რომ პოლ პოგბას შესახებ ესაუბრა, მასთან ჩახუტება და მადლობის გადახდა ისურვა.

"შეიძლება ჩაგეხუტოთ?", სთხოვა მოურინიომ BT სპორტის ჟურნალისტ დეს კელის. "პრესკოფერენციაზე ყველა პოლის შესახებ მეკითხებოდა, არადა, სწორედ ამ ბავშვზე უნდა მკითხონ.

ფანტასტიკურად ითამაშა. ყველაფერი სწორად გააკეთა. ევერ ბანეგაზე ზეწოლას ახდენდა და შეაჩერა, ის კი მათი პლეიმეიქერია. ვფიქრობ, სკოტი ბრწყინვალე იყო.

ნახევარდაცვამ კარგად დაიწყო და პოლმაც დიდი თავდადება გამოიჩინა, როცა თამაშში ჩაერთო და მატჩის დინამიკაზე გავლენა მოახდინა. მანაც კარგად ითამაშა".

წყარო: M.E.N.