კვირას გამართულ შეხვედრაში, ''მანჩესტერ იუნაიტედმა'' ''ევერტონი'' გამანადგურებელი ანგარიშით, 4-0 დაამარცხა. მატჩის შემდეგ ჟურნალისტებმა მოურინიოს ინტერვიუ ჩამოართვეს.
ფიქრობდით თუ არა მატჩის მეორე ნახევარში, რომ ''ევერტონს'' თამაშის შემოტრიალება შეეძლო?
''მე ვფიქრობდი, რომ გავიმარჯვებდით 1–0 ან 2–0 ანგარიშით, მაგრამ არ მიფიქრია 1–1–ზე.''
ვალენსია ყოველთვის ასე ურტყამს ვარჯიშებზე?
''ხანდახან დიახ, თუმცა არაა ადვილი ამ პოზიციიდან ერთი შეხებით ასეთი გოლის გატანა, მაგრამ ხანდახან გამოსდის.''
რომელუ ლუკაკუმ გოლის გატანა მოახერხა და ასისტიც მიითვალა, კმაყოფილი ხართ მისით?
''მე მომწონს მისი თამაში, და უფრო მეტად კმაყოფილი ვარ მისი შრომით. პირველ ნახევარში ის შესანიშნავად მოქმედებდა და გუნდს სივრცეებს უხსნიდა.''
რატომ იტანს გუნდი ბევრ გოლს ძირითადად ბოლო წუთებზე?
''როგორც უკვე ვთქვი, პრემიერ ლიგის გუნდები დაცვით სტილზე გადავიდნენ, უმეტესი მათგანი იყენებს 5 მცველსა და 2 ან 3 ნახევარმცველს. როდესაც ანგარიში 0–0 ან 1–0–ია, მატჩის მიწურულს უკვე მეორე გუნდიც ფიქრობს შეტევაზე და მეტი სივრცეები ჩნდება.''
დე ხეამ მეასედ შეინახა კარი მშრალად და განახორციელა, რამდენიმე შესანიშნავი სეივი.
''უფრო რთულია მეკარისთვის ბურთს მოგერიება , როდესაც მატჩში არ არის ჩართული დაცვის კარგი თამაშიდან გამომდინარე. როდესაც რამდენიმე წუთი ბურთის არ ეხები და შემდეგ ასეთ სეივებს აკეთებ ეს გაცილებით რთული და მნიშვნელოვანია.''
3 შეხვედრა სახლში და 3 გამარჯვება, 12 გატანილი და არცერთი გაშვებული ბურთით. ''იუნაიტედი'' ფორმაშია, ბედნიერი ხართ ამით?
''დიახ ბედნიერი ვარ, დიდი განსხვავებაა წინა სეზონთან, ჩვენ ვთამაშობთ გაცილებით უკეთ და გაგვაქვს მეტი გოლი. ყოველი მატჩი განსხვავებულია ერთმანეთისგან და შემდეგი ''ბარტონია'', ვფიქრობ კიდევ ერთი რთული თამაში გველოდება.