მატჩი: "სუონსი" - "მანჩესტერ იუნაიტედი" ტურნირი: პრემიერ ლიგა (II ტური) სტადიონი: "ლიბერთი სტედიუმი" თარიღი: შაბათი, 19 აგვისტო, 2017 წელი დასაწყისი: 15:30 (თბილისის დროით) ტრანსლაცია: Silk Sport HD1, Idman Azerbaycan, Матч тв футбол 1 არბიტრი: ჯოს მოსი
"მანჩესტერ იუნაიტედი" შაბათს უელსს სტუმრობს. "წითელმა ეშმაკებმა" პრემიერ ლიგის პირველ ტურში "ვესტ ჰემი" გაანადგურეს ანგარიშით 4:0. "იუნაიტედი" პოზიტიური სტარტის გაგრძელებას იმედოვნებს და მორიგი 3 ქულის აღებას შეეცდება. "გედებმა" კი პრემიერ ლიგა "საუთჰემპტონთან" სტუმრობით დაიწყეს, მატჩი ფრედ 0:0 დასრულდა და ახლა ისინი გოლის გატანას და 3 ქულის აღებას "მანჩესტერ იუნაიტედთან" საშინაო მატჩში შეეცდებიან.
გუნდის სიახლეები:ზედიზედ მეორე მატჩს ჟოზე მოურინიოს გუნდი ტრავმების გარეშე ხვდება (არ იგულისხმებიან ლუკ შოუ, ეშლი იანგი და მარკოს როხო, რომლებთაც გრძელვადიანი ტრავმები აწუხებთ). დაწვრილებით ინფორმაციას მოურინიო ჟურნალისტებს პარასკევს გასამართ პრესკონფერენციაზე მიაწვდის. რაც შეეხება "სუონსის" მათ ესპანელი ფერნანდო ლიორენტე გამოაკლდებათ. მათ დახმარებას ვერ შეძლებს ასევე კი სუნ იონგი და ნათან დაიერი. უელსელების უკვე ყოფილი მთავარი ფეხბურთელი გილფი სიგურდსონი კი "ევერტონში" გადავიდა.
გასული სეზონის დაპირისპირება: გასულ სეზონში გუნდები ერთმანეთს ორჯერ შეხვდნენ, "იუნაიტედი" არც ერთ შეხვედრაში არ დამარცხებულა. "ლიბერთი სტედიუმზე" პოლ პოგბას და ზლატან იბრაჰიმოვიჩის (2) გოლების წყალობით "იუნაიტედმა" 1:3 მოიგო, "ოლდ ტრაფორდზე" გამართულ შეხვედრაში კი უეინ რუნის გოლს გილფი სიგურდსონმა საჯარიმო დარტყმით უპასუხა და შეხვედრა ფრედ 1:1 დასრულდა.
H2H: გუნდები ყველა ტურნირზე ერთმანეთს 29 შეხვედრაში დაუპირისპირდნენ. 13 შეხვედრაში გამარჯვების მოპოვება "იუნაიტედმა" მოახერხა, 10 შეხვედრაში გამარჯვება "სუონსიმ" იზეიმა, 6 შეხვედრა კი ფრედ დასრულდა.