რომელო ლუკაკუმ ESPN-ს ინტერვიუ მისცა რომელსაც ჩვენი საიტი უცვლელად გთავაზობთ.

"ეს ის შესაძლებლობაა,რომელსაც მე ბავშვობიდან ველი" - აცხადებს ლუკაკუ ინტერვიუში.

"როდესაც "მანჩესტერ იუნაიტედმა" დამიძახა ორჯერ არ მიფიქრია. მე მოხარული ვარ რომ ამ დიდი გუნდის ნაწილი ვიქნები"

მოგეხსენებათ "ჩელსიმ" მას მოგვიანებით გაუკეთა შეთავაზება, თუმცა როგორც ბელგიელი ამბობს მას უკვე ყველაფერი გადაწყვეტილი ჰქონდა.

"ყველაფერი გადაწყვეტილი მქონდა. მე სიტყვიდან არ გადავდივარ. ყველაფერი გადაწყვეტილი მქონდა და ვემზადებოდი თუ როდის შევუერთდებოდი ამ გუნდს."

კითხვაზე თუ რას ეტყვის ხალხს ლუკაკუ თუ მას შეეკითხებიან რომ რატომ არჩია მე-6 ადგილზე გასული გუნდი ჩემპიონებს, ბელგიელმა ასეთი პასუხი გასცა:

"ვინ ეტყვის არას მსოფლიოს საუკეთესო გუნდს ? საუკეთესო მოედანი და საუკეთესო გულშემატკივრები ინგლისში. ყოველთვის ვამბობდი რომ მსურდა მეთამაშა გუნდისთვის, რომელიც ყოველთვის იბრძოდა ტიტულების მოგებისთვის."

"მანჩესტერ იუნაიტედს" სურს იყოს დომინანტი. როდესაც მათ ისტორიას უყურებ ხვდები ყველაფერს. გავმხდარიყავი ასეთი გუნდის წევრი რა თქმა უნდა იყო ჩემი მიზანი. მადლობელი ვარ რომ "იუნაიტედმა" ეს შესაძლებლობა მომცა."

"ახლა ბევრი მუშაობაა საჭირო. იმაზე მეტად უნდა ვიმუშაო ვიდრე ეს ოდესმე გამიკეთებია. იმედია წინ წარმატებები გველის."

ლუკაკუმ პოლ პოგბაზეც ისაუბრა.

"პოგბას 7 თუ 8 წელია რაც ვიცნობ. ახლა ის ჩემი თანაგუნდელია, მანჩესტერში ერთ ქუჩაზე ვიცხოვრებთ და ეს რა თქმა უნდა ძალიან მაგარია."

"რა თქმა უნდა ის მესაუბრებოდა "იუნაიტედზე", თუ რა ხდებოდა გუნდში და რას აპირებდნენ ისინი სამომავლოდ. ამიტომ ვამბობ რომ მათ შემოთავაზებაზე ორჯერ აღარ მიფიქრია."

"ყველა მათგანი ("იუნაიტედის" ფეხბურთელები) ტოპ ფეხბურთელია. "იუნაიტედში" ფეხბურთელების კარგი ჯგუფი, რომელთაც გამარჯვება სურთ."

"ითამაშო "ოლდ ტრაფორდზე" "იუნაიტედის" გულშემატკივრების თვალწინ ეს უდიდესი შესაძლებლობაა. წინ რა თქმა უნდა დიდი გზაა გასავლელი, მაგრამ მუშაობას არ დავაკლებ რომ ჩემზე დაკისრებული მოვალეობა მაქსიმალურად შევასრულო."

ბოლოს ლუკაკუმ მოურინიოზეც ისაუბრა და მას მსოფლიოს საუკეთესო მწვრთნელი უწოდა.

"მოურინიოსთან მუშაობა მე ჯერ კიდევ 10 წლის ასაკიდან მსურდა და ახლა მე სრულად მომეცა ამის შესაძლებლობა."

"მასთან მქონდა კონტაქტი. მელაპარაკა თუ როგორ ვჭირდებოდი გუნდს და რას ელოდა ჩემგან."

"ახლა მე 24 წლის ვარ. გავიზარდე და ეს მოურინიომ იცის. ამიტომაც მომცა მან ეს შანსი და მე ამისთვის მადლობელი ვარ."

"ის მსოფლიოს საუკეთესო მწვრთნელია. მან კარგად იცის თუ როგორ მიიღოს ფეხბურთელისგან მაქსიმუმი. ეჭვიც არ მეპარება ჟოზეს ხელმძღვანელობის ქვეშ მე უკეთესი ფეხბურთელი ვიქნები. ამიტომ მოუთმენლად ველოდები მასთან მუშაობას."

შენიშვნა: მოცემული ინტერვიუ ეკუთვნის ESPN-ს . "მანჩესტერ იუნაიტედს" ჯერ ლუკაკუ ოფიციალურად არ წარუდგენია.

თარგმნა: დავით სირაბიძე