"მანჩესტერ იუნაიტედმა" რამდენიმე წუთის წინ დაადასტურა რომელო ლუკაკუს ტრანსფერი. ეს ყველაფერი იმას ნიშნავს, რომ გუნდმა მიმდინარე სატრანსფერო ფანჯარაზე უკვე მეორე შენაძენი განახორციელა. თუმცა როგორც ჩანს ეს არ იქნება ბოლო ტრანსფერი, რომელსაც "იუნაიტედი" მიმდინარე სატრანსფერო ფანჯარაზე განახორციელებს.

The Guardian ავრცელებს ინფორმაციას, რომ მოურინიოს პერსონალურად სურს "ტოტენჰემის" ახალგაზრდა ფეხბურთელის, ერიკ დაიერის შეძენა. გამოცემის თანახმად "იუნაიტედი" ახლა სწორედ ერიკ დაიერის ტრანსფერზე იმუშავებს.

ერიკ დაიერი მოურინიოს ნახევარმცველებთა სიაში ნომერ პირველი სამიზნეა. მანჩესტერულ გუნდს ინგლისელის შეძენა სავარაუდოდ 50 მილიონი ფუნტი დაუჯდება.

გასულ სეზონში ჩამშლელი ნახევარმცველის პოზიციაზე თამაშის უფლება მას ვიქტორ ვანიამამ წაართვა. ვანიამა პოჩეტინოს ნომერ პირველი არჩევანი იყო ამ პოზიციაზე და შესაძლოა ამ ყველაფერმა დიდი როლი ითამაშოს დაიერის გადაწყვეტილებაზე, რადგან მოურინიოს გუნდში ის რეგულარულად ითამაშებს ჩამშლელის პოზიციაზე.

"იუნაიტედმა" კარგად იცის, რომ მას შემდეგ რაც მათ "ჩელსის" ლუკაკუ წაართვეს, ფაქტობრივად აღარ არის მატიჩის შეძენის შანსი. სწორედ ამიტომ შეეცდებიან "მანჩესტერელები" მაქსიმალურად ერიკ დაიერის გადმობირებას.

წყარო:The Guardian