"რომა" მზადაა გუნდიდან რაჯა ნაინგოლანი გაუშვას, რომლითაც აქტიურ დანტერესებას "მანჩესტერ იუნაიტედი" გამოხატავს. იტალიელები რაჯას სანაცვლოდ 30 მილიონს ითხოვენ. "იუნაიტედის" გარდა, მისით დაინტერესებას "ჩელსი" და "ინტერი" გამოხატავენ, იუწყება calciomercato.

ამავე წყაროს ცნობით, ნაინგოლანის კონტრაქტის გამოსასყიდი თანხა 50 მილიონს შეადგენს, თუმცა "რომა" მზადაა დათმობაზე წავიდეს, მიზეზი ისაა რომ Fair Play-ის წესების თანახმად, მათ ივნისის ბოლომდე 30 მილიონი უნდა გამოიმუშავონ. წინააღმდეგ შემთხვევაში იტალიურ კლუბს დიდი ფულადი სანქციების გადახდა მოუწევს, გარდა ფულადი ჯარიმისა, იტალიელებს შესაძლოა გარკვეული დროით ტრანსფერების გაკეთებაც აეკრძალოს. ამ ყველაფრიდან გამომდინარე "რომაა" მზადაა 50 მილიონის ნაცვლად, 30 მილიონს დასჯერდეს

ნაინგოლანი რომას კალიარიდან 2013 წელს შეუერთდა, ამ დროის განმავლობაში ბელგიელმა "მგლების" მაისურით 160 შეხვედრა ჩაატარა, გარდა ამისა რაჯას ეროვნულ ნაკრებში 28 შეხვედრა აქვს ჩატარებული.

წყარო:Mirror