როგორც The Telegraph წერს, კრიშტიანუ რონალდუს მრჩეველებმა დაინტერესებულ კლუბებს აცნობეს, რომ პორტუგალიელ ვარსკვლავს კლუბის დატოვება სურს ახალი გამოწვევისთვის და არა იმ პრობლემისთვის, რომელიც მას ესპანეთის საგადასახადო ორგანოსთან შეემთხვა.

მათ ასევე ცხადყვეს, რომ 150 მილიონი ევრო (131 მილიონი ფუნტი) სრულიად საკმარისი იქნება კრიშტიანუ რონალდუს გადასაბირებლად. "მანჩესტერ იუნაიტედს" მოუწევს კონკურენცია გაუწიოს ისეთ კლუბებს, როგორებიცაა პსჟ და მილანის "ინტერი".

ამ მომენტისთვის ყველაზე დიდ ინტერესს პორტუგალიელი ვარსკვლავისთვის ფრანგული პსჟ იჩენს. არსებობს ინფორმაცია, რომ ფრანგლუს კლუბი ეკონტაქტები ჟოზე მენდეშს, ეს უკანასკნელი კი ცდილობს დაარწმუნოს რონალდუ. ისინი თვლიან, რომ რონალდუ საფრანგეთის დედაქალაქში ძალიან პოპულარული იქნება, რადგან პორტუგალიელებს ყველაზე დიდი დიასპორა პარიზში აქვთ.

ჯერჯერობით უცნობია "მანჩესტერ იუნაიტედის" დამოკიდებულება მიმდინარე პროცესებზე. მაგრამ ერთი რამ ფაქტია, "იუნაიტედი" შედის იმ კლუბების სიაში, რომელიც რონალდუს ფასის გადახდა შეუძლია.