"მანჩესტერ იუნაიტედის" მთავარმა მწვრთნელმა, ჟოზე მოურინიომ ტრავმირებულ მცველებს, კრის სმოლინგსა და ფილ ჯონსს მოუწოდა, რომ გამოჯანმრთელების პროცესი დააჩქარონ და ფორმაში მალე დაბრუნდნენ.
"ანდერლეხტთან" მატჩში "წითელ ეშმაკებს" მარკოს როხოც დაუშავდათ და როგორც მოსალოდნელია, არგენტინელი სექტემბრამდე ვეღარ შეძლებს თამაშს, რაც მოურინიოს გუნდს დაცვაში სერიოზულ პრობლემებს უჩენს.
ევროპა ლიგის ნახევარფინალში გასვლის შემდეგ ჟოზემ ჯონსსა და სმოლინგს გუნდის დასახმარებლად გარისკვისკენ მოუწოდა.
"ვფიქრობ, ახლა ჯონსისა და სმოლინგის დროა, რომ მამაცები იყვნენ და გარისკონ, რადგანაც გუნდისთვის ყველაფერზე უნდა იყო წამსვლელი. სასწაულები არ ხდება. სასწაულს არც ველოდები, მაგრამ გამოჯანმრთელების პროცესის დაჩქარებისთვის ყველაფერი უნდა გავაკეთოთ.
ამ განსაკუთრებული სულისკვეთების მქონე ფეხბურთელი მოსალოდნელზე ადრე ბრუნდება. მაისის შუა რიცხვების ნაცვლად მათ მაისის დასაწყისში შეუძლიათ დაბრუნება. მათ ადგილას მე ხვალვე ჩავდგებოდი ფორმაში", - განაცხადა მოურინიომ.