მარუან ფელაინი აცხადებს, რომ "მანჩესტერ იუნაიტედი" ყველაფერს გააკეთებს ჩემპიონთა ლიგაზე მოსახვედრად და ამას ევროპა ლიგის მეოთხედფინალში გასვლით დაიწყებს.

ჟოზე მოურინიოს გუნდი დღეს "როსტოვს" დაუპირისპირდება "ოლდ ტრაფორდზე" და პირველ მატჩში მოპოვებული მცირე უპირატესობით სარგებლობას ეცდება.

"იუნაიტედი" პრემიერ ლიგის ცხრილში მეექვსე ადგილზე იმყოფება და ჩემპიონთა ლიგის ზონას ექვსი ქულით ჩამორჩება, თუმცა ორი მატჩი აქვს თადარიგში.

თუმცა, გუნდს ევროპა ლიგის მოგების გზით შეუძლია ჩემპიონთა ლიგაზე გასვლა, რასაც გუნდი დღესვე შეუდგება.

"ორშაბათს "ჩელსისთან" რთული მატჩი გვქონდა - 10 ფეხბურთელი ერთი საათის განმავლობაში. მატჩის მოგება რთული იყო, ჩვენ კი წავაგეთ და მოუთმენლად ველით მომდევნო შეხვედრას. ამ თამაშის მოგება მნიშვნელოვანია.

ლონდონიდან დიდი გზა გამოვიარეთ, მაგრამ ჩვენ პროფესიონალები ვართ. ვიცით, როგორც უნდა აღვიდგინოთ ფორმა. გუშინ ცოტა ვივარჯიშეთ. მომდევნო შეხვედრისთვის მზად ვიქნებით.

ყველა ფეხბურთელს, შტაბის წევრსა და გულშემატკივარს სურს ჩემპიონთა ლიგაზე თამაში მომდევნო სეზონში, ამიტომაც ყველაფერს გავაკეთებთ იქ მოსახვედრად. ამისთვის შესაბამისი შემადგენლობა და ფეხბურთელები გვყავს, თავდაჯერებულები ვართ. ამას ყველა დაინახავს "როსტოვთან" მატჩში. ჩვენი თავის გვჯერა.

ევროპაში კარგ გუნდებს ვეთამაშეთ. პრემიერ ლიგაში ყველა მატჩი რთულია. ამიტომ მატჩიდან მატჩამდე უნდა მივუდგეთ.

ბევრი მატჩი გვქონდა, ყველა ტურნირზე ვთამაშობდით, მაგრამ ყველა მოთამაშე მზად არის. ფიზიკურად კარგად ვართ, კარგი შტაბი და გამოჯანსაღების დეპარტამენტი გვაქვს, ამიტომაც ყველა მზად ვართ. ეს ფეხბურთია - ბევრი მატჩის თამაში ამის ნაწილია."

წყარო: goal.com