"მანჩესტერ იუნაიტედი" "ოლდ ტრაფორდზე" უმასპინძლებს "როსტოვს", რომელიც პირველად ასპარეზობს ევროტურნირების საგაზაფხულო სტადიაზე.

ევროპა ლიგის 1/8 ფინალური ეტაპის პირველი მატჩი "იუნაიტედსა" და "როსტოვს" შორის 1-1 დასრულდა.





დონის როსტოვში გამართულ მატჩამდე ეს გუნდები ერთმანეთს არასდროს დაპირისპირებიან. "როსტოვი" პირველად ხვდება ინგლისურ გუნდს.

"იუნაიტედის" მიერ რუსული გუნდების წინააღმდეგ ჩატარებული ათი მატჩის შედეგი ასეთია: მ2 ფ7 წ1 (მ1 ფ3 "ოლდ ტრაფორდზე", მ1 ფ3 სტუმრად). ერადერთი მარცხი რუსულ კლუბთან "იუნაიტედმა" 2008 წელს ნეიტრალურ მოედანზე, მონაკოში განიცადა, როცა უეფა-ს სუპერთასის მატჩი "ზენიტთან" წააგო. ორმატჩიან დუელში კი "იუნაიტედი" მოსკოვის "ტორპედოსა" და "როტოს" ჰყავთ დამარცხებული.





მიმდინარე გათამაშებაში "იუნაიტედიმა" წინა სამივე საშინაო მატჩი მოიგო საერთო ანგარიშით 12:1.

"როსტოვს" ევროარენაზე ჩატარებულ ბოლო 5 გასვლით მატჩში არ გაუმარჯვია (ფ3 წ2).

"მანჩესტერ იუნაიტედი" 1/8 ფიანლში 2015/16 წლების სეზონშიც გავიდა, მაგრამ უეფა-ს თასი/ევროპა ლიგა - ერთადერთია იმ სამ დიდ ევროპულ ტურნირებს შორის, რომელიც "იუნაიტედს" ჯერ კიდევ არ მოუგია. "წითელმა" ეშმაკებმა სამჯერ მოიგეს ჩემპიონთა თასი/ჩემპიონთა ლიგა (1968, 1999, 2008), 1991 წელს კი თასების მფლობელთა თასი აღმართა.

"იუნაიტედის" საუკეთესო შედეგი უეფა-ს თასზე/ევროპა ლიგაზე - მეოთხედფინალია. ამ ეტაპზე 1984/85 წლებში "ეშმაკები" "ვიდეოთონთან" პენალტების სერიაში დამარცხდნენ.

"იუნაიტედის" საუკეთესო შედეგი უეფა-ს თასზე/ევროპა ლიგაზე - მეოთხედფინალია. ამ ეტაპზე 1984/85 წლებში "ეშმაკები" "ვიდეოთონთან" პენალტების სერიაში დამარცხდნენ.

კავშირი გუნდებს შორის და სხვა ფაქტები

მანჩესტერიდან როსტოვამდე მანძილი დაახლოებით 3000 კილომეტრს შეადგენს.

პოლ პოგბას 15 მარტს - საპასუხო მატჩამდე ერთი დღით ადრე - 24 წელი შეუსრულდა.

ზლატან იბრაჰიმოვიჩი ტურნირზე მოასპარეზე 12 შვედს შორის ერთ-ერთია, რომელსაც მშობლიური ქვეყნის დედაქალქში, სტოქჰოლმში "ფრენდს არენაზე" გასამართ ფინალში მონაწილეობის შანსი აქვს.

"როსტოვის" თავდამსხმელი მარკო დევიჩი და "იუნაიტედის" შემტევი ნახევარმცველი ჰენრიხ მხითარიანი 2012/13 წლებში ერთად თამაშობდნენ დონეცკის "შახტიორში".

"როსტოვის" ნახევარმცველი კრისტიან ნობოა და "იუნაიტედის" მცველი ანტონიო ვალენსია - ეკვადორის ნაკრებში პარტნიორები არიან.

"იუნაიტედის" მცველი მარკოს როხო 2011/12 წლებში რუსეთის ჩემპიონატში მოსკოვის "სპარტაკის" შემადგენლობაში თამაშობდა.

"მანჩესტერ იუნაიტედი" და "ანდერლეხტი" - ორადორი შემორჩენილი გუნდია, რომლებიც გასული სეზონის 1/8 ფინალშიც თამაშობდნენ.

გუნდების მწვრთნელები

ჟოზე მოურინიომ "იუნაიტედი" გასულ ზაფხულს ჩაიბარა. პორტუგალიელმა "პორტუ" უეფა-ს თასისა და ჩემპიონთა ლიგის გამარჯვებული გახადა, მოგვიანებით კი ეს უკანასკნელი ტურნირი "ინტერთან" ერთად მოიგო. მოურინიო ორჯერ გახდა "ჩელსის" მთავარი მწვრთნელი და ამ პერიოდში სამჯერ მოიგო პრემიერ ლიგა.

ამ ტურნირზე მოურინიო უკანასკნელად 2002/03 წლებში მონაწილეობდა. მაშინ მისმა "პორტუმ" უეფა-ს თასის ფინალში "სელტიკს" 3:2 სძლია.

ივან დანილიანცმა "როსტოვი" 2016 წლის სექტემბერში ჩაიბარა, გუნდის სამწვრთნელო შტაბში კი 2014 წლიდან მუშაობს. ფეხბურთელობის ჟამს თურქმენეთში და მოლდოვაში თამაშობდა. "როსტოვში" მისვლამდე მან ამავე ქვეყნის ნაკრები და რამდენიმე კლუბი გაწვრთნა.

პენალტები

"იუნაიტედის" პენალტების სერია UEFA-ს ტურნირებზე: მ1, წ2

წაგება:

5-4 სტუმრად "ვიდეოთონთან" (უნგრეთი) – UEFA-ს თასის მეოთხედფინალი 1984-85
4-3 სტუმრად "ტორპედოსთან" (რუსეთი) – UEFA-ს თასის პირველი რაუნდი 1992-93.

მოგება:

6-5 ნეიტრალურ მოედანზე "ჩელსის" წინააღმდეგ - ჩემპიონთა ლიგის ფინალი 2007-08.




"როსტოვს" ევროტურნირების პენალტების სერიაში არ უთამაშია

გუნდების ბოლო შედეგები თავიანთი ქვეყნების ჩემპიონატში:

04.03.2017. "მანჩესტერ იუნაიტედი" - "ბორნმუთი" 1-1 (როხო 23 - კინგი 40 (პენალტი))

"მანჩესტერ იუნაიტედი": დე ხეა, ვალენსია, ჯონსი, როხო, შოუ (რეშფორდი 70), კერიკი (ფელაინი 70), პოგბა, მატა, რუნი (ლინგარდი 70), მარსიალი, იბრაჰიმოვიჩი

მდგომარეობა ჩემპიონატში: მე-6 ადგილი, 49 ქულა.

12.03.2017. "როსტოვი" - "ტერეკი" 0-0

"როსტოვი": მედვედევი, კირეევი (ბუხაროვი 72), მევლია, ნავასი, ტერენტიევი (ბაირამიანი 88), გაცკანი, ეროხინი, პრეპელიცე (კალაჩიოვი 72), ნობოა, პოლოზი, აზმუნი

მდგომარეობა ჩემპიონატში: მე-8 ადგილი, 29 ქულა.