"მანჩესტერ იუნაიტედი" ინგლისის ლიგის თასის ფინალურ მატჩში “საუთჰემპტონს" დაუპირისპირდა და მეტოქე დრამატულ ორთაბრძოლაში დაამარცხა.

"უემბლიზე" შეკრებილმა მაყურებელმა 5 გატანილი გოლი იხილა. პირველი ტაიმის მიწურულს "წითელი ეშმაკები" ზლატან იბრაჰიმოვიჩისა და ჯერსი ლინგარდის გოლების წყალობით უკვე 2 ბურთიანი უპირატესობით გადიოდნენ გასახდელში, თუმცა ტაიმის დამატებით წუთებზე გაბიდიანიმ 1 ბურთის გაქვითვა მოახერხა.

მეორე ტაიმის დასაწყისში "საუთჰემპტონმა" წონასწორობის აღდგენა მოახერხა, თავი კლავ გაბიადინიმ გამოიჩინა. მეორე ტაიმი დაძაბულ ორთაბრძოლაში წარიმართა, შანსები ორივე გუნდს ჰქონდა, თუმცა მხოლოდ ერთმა გამოიყენა. შეხვედრის 87-ე წუთზე იბრაჰიმოვიჩმა დუბლის შესრულება და საკუთარი გუნდისთვის გამარჯვების მოპოვება მოახერხა.


მანჩესტერ იუნაიტედი – საუთჰემპტონი 3:2

სტადიონი: ლონდონი, “უემბლი”
გოლები: 1:0, 3:2 იბრაჰიმოვიჩი (19', 87'), 2:0 ლინგარდი (38'), 2:1, 2:2 გაბიადინი (45', 48')
გაფრთხილებები: ერერა, ლინგარდი – რომეუ, სტეფენსი, რედმონდი
მსაჯი: ანდრე მარინერი

შემადგენლობები

მანჩესტერ იუნაიტედი: დე ხეა, ბაიი, როხო, სმოლინგი, ვალენსია, პოგბა, ერერა, მატა (კერიკი 46'), ლინგარდი (რეშფორდი 77'), მარსიალი (ფელაინი 90'), იბრაჰიმოვიჩი.

საუთჰემპტონი: ფორსტერი, იოშიდა, სტეფენსი, სოარეში, ბერტრანი, ს.დევისი (ჯ.როდრიგესი 90'), რომეუ, რედმონდი, უარდ-პროუსი, ტადიჩი (ბუფალი 77'), გაბიადინი (ლონგი 83').