ჟოზე მოურინიოს მიაჩნია, რომ თავის ყოფილ კლუბებში მან ლეგენდის სახელი დატოვა და ახლა იმავე სტატუსის მიღება "მანჩესტერ იუნაიტედში" სურს.

პორტუგალიელ მწვრთნელს ძალზედ წარმატებული კარიერა აქვს და მსოფლიოს ცნობილ კლუბებთან ერთად სხვადასხვა ტიტულის მფლობელი გახდა.

"პორტუსთან" ერთად მიღწეულმა წარმატებამ - მათ შორის ჩემპიონთა ლიგის მოგებამ - მოურინიოს "ჩელსის" კარი გაუღო, რომლის ხელმძღვანელობისას პრემიერ ლიგისა და შიდა თასების გამარჯვებული გახდა.

ამის შემდეგ მოურინიომ მილანის "ინტერთან" ერთად ტრებლი გააკეთა, მოიგო რა სერია A, იტალიის თასი და ჩემპიონთა ლიგა, სანამ ესპანეთში "ბარსელონას" დომინირებას შეწყვეტდა და მადრიდის "რეალს" ლა ლიგის გამარჯვებულად აქცევდა.

"ჩელსიში" მეორე მისვლაც ასევე ტიტულის მოგებით დააგვირგვინა და ახლა იმავეს "ოლდ ტრაფორდზე" ესწრაფვის.

მოურინიო დარწმუნებულია, რომ ამას მოახერხებს და "ოცნების თეატრი" "წითელი ეშმაკების" ფოლკლორში მის სახელსა და გვარსაც გააჟღერებს.

როცა ჰკითხეს, თუ რა უნდა მოახერხოს კლუბის ლეგენდად რომ იქცეს, მოურინიომ უპასუხა: "ტიტულები უნდა მოვიგო, როგორც ამას სხვაგან ვახერხებდი, სადაც ვიყავი.

ჩემს კლუბებში მე ლეგენდა ვარ. "პორტუში", "ინტერში", "ჩელსიში" მე ლეგენდა ვარ. მათ ისტორიას ვეკუთვნი და თანაც ძალიან, ძალიან მაღალ დონეზე.

მადრიდის "რეალის" ისტორიასაც ვეკუთვნი. "მანჩესტერ იუნაიტედის" ისტორიაშიც ჩაიწერა ჩემი სახელი, რადგან ერთ ოთახში სხვა მწვრთნელებთან ერთად გადაღებული ფოტო მაქვს. მაგრამ მე მხოლოდ ქომუნითი შილდი მოვიგე და სხვა ვერაფერი.

ვფიქრობ, ძალიან ბევრს ვშრომობ, უფრო მეტს, ვიდრე ოდესმე. მაგრამ რეალობა ის არის, რომ ისტორიას ციფრები ქმნიან. ტიტულების ოდენობის ამსახველი ციფრები.

ჩემი სამწვრთნელო ისტორია 23 ტიტულს შეიცავს. ისტორიას წამები, მეხუთე ადგილზე გასვლა, თასის წაგება, ფინალის წაგება არ ქმნის. ისტორიას გამარჯვებები ქმნის.

დარჩენილ სამ ტურნირზე გამარჯვება შეგვიძლია. ლიგის თასის მოგების 50% არსებობს. ინგლისის თასის 1/8 ფინალსა და ევროპა ლიგის 1/16 ფინალში ვართ."

გამარჯვებისთვის დაბადებულმა მოურინიომ განაცხადა, რომ ასეთივე მენტალიტეტი სხვა ფეხბურთელებშიც უნდა ჩანერგოს.

"ამიტომაცაა, რომ გამარჯვება ნაბიჯ-ნაბიჯ მოდის. კონკურენცია, ზეწოლასთან გამკლავება, როცა ფინალი გაქვს სათამაშო, ფინალი გაქვს მოსაგები.

გაქვს ნახევარფინალი, თამაშობ ჩემპიონატში. შენი მოწინააღმდეგე 24 საათის შემდეგ მარცხდება. შენ კი უნდა გაიმარჯვო, რომ ეს ქულები აღმოფხვრა. უნდა გაუმკლავდე ზეწოლას. უნდა იცხოვრო ამასთან ერთად.

ჩვენ კი ეს გვაკლია. ფეხბურთელები, რომლებსაც წარმატება ბუნებრივად ახასიათებთ, უეინ რუნი და მაიკლ კერიკი არიან. მეტი ვინ? ზლატან იბრაჰიმოვიჩიც, მაგრამ არა ჩვენს კლუბში. ანტონიო ვალენსია და მეტი არავინ."

წყარო: goal.com