"მანჩესტერ იუნაიტედის" მთავარი მწვრთნელი ჟოზე მოურინიო არ აღიარებს, რომ "ჰალთან" მატჩში მისი გუნდი დამარცხდა და ფიქრობს, რომ ყველა ტურნირზე ნაჩვენები წაუგებელი სერია ჯერ კიდევ გრძელდება.

"წითელი ეშმაკები" ლიგის თასის ნახევარფინალში "ვეფხვებს" დაუპირისპირდნენ და საპასუხო მატჩი "ქეი-სი" სტადიონზე 2:1 წააგეს, თუმცა პირველ შეხვედრაში მოპოვებული 2-ბურთიანი უპირატესობის ხარჯზე ფინალში გავიდნენ.

შეხვედრაში ანგარიში 11-მეტრიანი დარტყმით გაიხსნა, რაც ჯონათან მოსმა "იუნაიტედის" საჯარიმოში ჰარი მაგუაიერის წაქცევის გამო დანიშნა, მოგვიანებით კი მსგავს ეპიზოდში კრის სმოლინგის წაქცევის გამო მასპინძლების კარში არ დანიშნა პენალტი მსგავს ეპიზოდში.

მოურინიო მოვლენათა ასეთ განვითარებას არ ეგუება.

"ვფიქრობ, 18-მატჩიანი წაუგებელი სერია გვაქვს - ეს საოცარია. არ წაგვიგია. მე მხოლოდ ორი გოლი დავინახე. პოლ პოგბას გოლი და მათი გოლი - შესანიშნავი გოლი იყო კარგი კომბინაციის შედეგად. ფლანგიდან ბრწყინვალე პასი გაკეთდა, ის ბიჭი კი შორეულ ძელთან კარგად გაიხსნა. 1:1.

რატომ არ ვთვლი "ჰალის" პირველ გოლს? გოლი არ დამინახავს. ფეხბურთელებისადმი ჩემი შეტყობინება ასეთია: "იზეიმეთ, ფინალში ვართ, კარგი გუნდის წინააღმდეგ ვითამაშეთ, საგრძნობლად მომატებული გუნდის." თავიდანვე ამას ვამბობდი, ეს ბიჭი კი კარგი მწვრთნელია, თუმცა, შესაძლოა, თქვენ არც კი გჯეროდათ ჩემი.

არ მინდა პენალტზე ლაპარაკი, მაგრამ არც თამაშზე მინდა ლაპარაკი, რადგან მაშინ უნდა ვთქვა, რომ ყველაფერი ჩვენს ხელთ იყო, თამაშს ვაკონტროლებდით და მერე რაღაც მოხდა", - განაცხადა მოურინიომ.

წყარო: telegraph