ჟოზე მოურინიო ვერავითარ პრობლემას ვერ ხედავს იმაში, რომ გასულ შაბათს ენტონი მარსიალი "სტოკ სიტისთან" მატჩზე დასწრების ნაცვლად პარიზში ჩავიდა.

ფრანგი ფეხბურთელი "Bet365" სტადიონზე გამართული შეხვედრის განაცხადში ვერ მოხვდა და დასვენების დღე მიეცა.

მედიაწარმომადგენლები იტყობინებიან, რომ მარსიალმა დასვენების დღე პარიზში გაატარა, მაგრამ მოურინიო გამორიცხავს, რომ ამის გამო მასა და ფეხბურთელს შორის რაიმე სახის უთანხმოება არის.

"ჩვეულებრივ, განაცხადს მიღმა დატოვებული ერთ-ერთი ფეხბურთელი თან მიმყავს, რათა გახურებისას გაუთვალისწინებელი პრობლემების წარმოჩენის შემთხვევაში დაზღვეული ვიყო.

მაგრამ დასვენებისთვის ცოტა დრო გვაქვს, ამიტომ ფეხბურთელებს არჩევანის თავისუფლებას ვაძლევ და თვითონ ირჩევენ, დაისვენებენ თუ არა უიქენდზე, როცა განაცხადში ვერ ხვდებიან. მას თუ ერჩივნა, პარიზში წასულიყო, ამით არაფერი დაუშავებია.

კვირის ბოლოს, თუ რაიმე ტრავმა არ გვექნება, რომერო უნდა ვათამაშო და ჯოელ კასტრო პერეირა სათადარიგოთა სკამზე დავსვა.

დავიდ დე ხეა თავისუფალი იქნება და თუ სურს, ესპანეთში ორი დღით შეუძლია წასვლა, უნდა წავიდეს კიდეც. ფეხბურთელებს არჩევანის თავისუფლებას ვაძლევ, ასე რომ, ენტონის პარიზში წასვლასთან დაკავშირებით პრობლემა არ მაქვს", - განაცხადა მოურინიომ.

წყარო: skysports.com