ლიონის "ოლიმპიკმა" მემფის დეპაის თაობაზე გაკეთებული 13 მლნ. ფუნტიანი შეთავაზება კიდევ უფრო გააუმჯობესა და "იუნაიტედი" ამ წინადადებაზე უარს აღარ იტყვის.

ჰოლანდიელი ვინგერის გადასვლა "ლიონში" უახლოეს 48 საათში დადასტურდება.

"წითლებმა" მემფისის თაობაზე გაკეთებული 13 მლნ. ფუნტიანი წინადადება წინა შემთხვევაში არ მიიღეს, რადგანაც "ოლდ ტრაფორდის" მკვიდრებს მის სანაცვლოდ უფრო სარფიანი შეთავაზების მოსმენა სურთ.

ასეთი წინადადება კი ისევ "ლიონმა" წამოაყენა, რის შემდეგაც "იუნაიტედი" 22 წლის ვინგერს კლუბის დატოვების საშუალებას მისცემს.

ჟოზე მოურინიომ არაერთხელ დაადასტურა, რომ მემფის დეპაის თაობაზე მიღებული მომგებიანი წინადადების შემთხვევაში ვინგერს გაყიდდა, რადგანაც მას გუნდში ამჟამად არავითარი როლი არ ეკისრება.

"იუნაიტედი" ამავე პოლიტიკით მოქმედებდა მორგან შნეიდერლინის შემთხვევაშიც, რომელიც "ევერტონში" გადავიდა და მასში "წითლებმა" 20 მლნ. ფუნტი აიღეს, თუმცა ბონუსების სახით თანხა 24 მილიონამდეც შეიძლება გაიზარდოს.

"კანფეტები" დეპაის შეძენასაც ცდილობდნენ, მაგრამ რონალდ კუმანი 22 წლის ფეხბურთელს თავისი გუნდის რიგებში ვერ იხილავს, რადგანაც "იუნაიტედს" არ სურს ისეთ კლუბში გაყიდოს დეპაი, რომლის რიგებში ასპარეზობისას მის წინააღმდეგ ითამაშებს.

წყარო: mirror