ჟოზე მოურინიომ კიდევ ერთხელ გაიმეორა, რომ "მანჩესტერ იუნაიტედის" ამჟამინდელი შემადგენლობით კმაყოფილია.

პრემიერ ლიგის კლუბებს ახალი წლიდან 31 იანვრამდე შეუძლიათ ახალი ფეხბურთელების დამატება, მაგრამ მწვრთნელი აცხადებს, რომ აქტიურობას არ აპირებს.

"ჩუმად და მშვიდად ვარ. ვნახოთ, რა მოხდება. როგორც უკვე გითხარით, ჩემი შემადგენლობის შენარჩუნებას ვისურვებდი, მაგრამ ასევე გითხარით და ვიმეორებ, რომ როგორც მწვრთნელს, არ მაქვს უფლება ადამიანებს უფრო დიდი ბედნიერების პოვნასა და მათი კარიერის სხვა გზით წარმართვაში შევუშალო ხელი.

ასე რომ, თუკი კლუბს განვითარებული მოვლენები აწყობს და ეს გადასვლა მოხდება იანვარში, რეაქციას მოვახდენთ. ვნახოთ რა მოხდება, მაგრამ ამჟამად თუ მკითხავთ, ველი თუ არა რომელიმე ფეხბურთელის მოსვლას 1 იანვარს ან ვაკვირდებით თუ არა რომელიმე მოთამაშეს, რომლის მოყვანასაც 1 იანვარს აქ ვისურვებდით, არა, საერთოდ არა.

ჩემი გუნდი მომწონს, ჩემს გუნდს ვენდობი".