ჟოზე მოურინიოს გუნდს A ჯგუფის ლიდერთა ორეულში დაბრუნების მისიის შესრულება და როტერდამში გამართულ მატჩში წაგებისთვის რევანშის აღება მოუწევთ.

"მანჩესტერ იუნაიტედი" "ფეიენოორდს" მასპინძლობს იმის ფონზე, რომ ევროპის ლიგის ჯგუფური ეტაპის მეხუთე ტურში დაფიქსირებული კონკრეტული შედეგების შემთხვევაში გუნდი ჯგუფში ჩარჩება.

გამარჯვების შემთხვევაში "ფეიენოორდი" ჯგუფიდან გავა.

თუკი "ფეიენოორდი" და "ფენერბაჰჩე" გაიმარჯვებენ, "მანჩესტერ იუნაიტედი" და "ზარია" ტურნის გამოეთიშებიან.



გუნდების მესამე დაპირისპირების 79-ე წუთზე ტრინდადეს მიერ გატანილმა გოლმა "ფეიენოორდს" საშინაო გამარჯვება მოუტანა ევროპის ლიგის ჯგუფური ეტაპის პირველ მატჩში.

მანამდე გუნდები ერთმანეთს ორჯერ შეხვდნენ 1997/98 წლების სეზონის ჩემპიონთა ლიგის ჯგუფურ ეტაპზე და ორივე მატჩი "იუნაიტედმა" მოიგო.

1997 წლის 22 ოქტომბერს "ოლდ ტრაფორდზე" მასპინძლებმა 2-1 იმარჯვეს სქოულზისა და ირვინის გოლებით, საპასუხო შეხვედრაში კი, რომელიც როტერდამში 5 ნოემბერს გაიმართა, ენდი კოულმა ჰეთ-ტრიკი შეასრულა, რასაც მასპინძლებმა მხოლოდ იგორ კორნეევის გოლით უპასუხეს.

ამ მატჩში გუნდები შემდეგი შემადგენლობით თამაშობდნენ:

United: Schmeichel, G Neville, Irwin, Pallister, Beckham, Butt, Cole (Solskjær 81), Sheringham, Giggs, P Neville, Scholes.

Feyenoord: Dudek, Graff, Van Gastel, Picún, Van Wonderen, Sánchez (Boateng 76), Van Bronckhorst (Korneev 38), Bosvelt, Schuiteman, Van Gobbel, Connolly (Vos 73).

ფაქტები გუნდების შესახებ

ჰოლანდიური გუნდების წინააღმდეგ "მანჩესტერ იუნაიტედის" მატჩები ასე დასრულდა: 7 მოგება, 3 ფრე, 5 წაგება (5 მოგება, 1 ფრე, 1 წაგება - სახლში). ჰოლანდიურ კლუბებთან მოგებული ზედიზედ ხუთი საშინაო მატჩის შემდეგ "იუნაიტედს" ბოლო ორი საშინაო შეხვედრა არ მოუგია - 2012 წელს 1-2 წაგება "აიაქსთან" და 2015 წელს ფრე პსვ-სთან.

2012/13 წლების ჩემპიონთა ლიგის 1/8 ფინალში მადრიდის "რეალთან" 1-2 წაგების შემდეგ "წითელი ეშმაკები" ზედიზედ მე-13 საშინაო ევროპულ მატჩში არ მარცხდებიან.

"მანჩესტერ იუნაიტედი" პირველად თამაშობს ევროპის ლიგის ჯგუფურ ეტაპზე. უეფა-ს თასი (ლიგა ევროპა) ერთადერთი მთავარი ევროპული ტურნირია, რომელიც გუნდს ჯერ არ მოუგია.

მას შემდეგ, რაც უეინ რუნიმ მე-4 ტურის მატჩში "ფენერბაჰჩეს" გაუტანა, რუდ ვან ნისტელროისთან ერთად კლუბის საუკეთესო ბომბარდირის სტატუსს იყოფს ევროტურნირებზე. ორივე მათგანს 38 გოლი აქვს.




"ფეიენოორდმა" 22 მატჩი ჩაატარა ინგლისური კლუბების წინააღმდეგ ევროპის მასშტაბით - 7 მოგება, 5 ფრე, 10 წაგება (2 მოგება, 4 ფრე, 4 წაგება - ინგლისში). ამ შედეგებს შორისაა 1974 წლის უეფა-ს თასის ფინალში "ტოტენჰემთან" გამარჯვება ორი მატჩის ჯამში ანგარიშით 4-2 (ფრე 2-2 ჩრდილოეთ ლონდონში, ხოლო მასპინძელთა გამარჯვება როტერდამში).

ჰოლანდიურ კლუბს ბოლო სამ გასვლით ევროპულ მატჩში არ გაუმარჯვია.

"ფეიენოორდმა" ინგლისური კლუბების წინააღმდეგ ჩატარებული ბოლო 8 მატჩიდან მხოლოდ 2 მოიგო (+2=1-5).

როტერდამულმა კლუბმა უეფა-ს თასი ორჯერ მოიგო - 1973/74 და 2001/2002 წლების სეზონში. ამ ტურნირზე გუნდი უკანასკნელად 2014/15 წლების სეზონში გამოჩნდა, როცა 1/16 ფინალში "რომასთან" დამარცხდნენ.



"იუნაიტედის" ფეხბურთელები სერხიო რომერო, დეილი ბლინდი და მემფის დეპაი "ოლდ ტრაფორდზე" გადასვლამდე ჰოლანდიაში "აზ ალკმაარის", "აიაქსისა" და პსვ-ს რიგებში თამაშობდნენ შესაბამისად და "ფეიენოორდის" წინააღმდეგ არაერთხელ უთამაშიათ.

"იუნაიტედის" შემადგენლობაში ამჟამად სამი ჰოლანდიელი ფეხბურთელი ასპარეზობს - დეილი ბლინდი, მემფის დეპაი და ტიმოთი ფოსუ-მენსა.

"ფეიენოორდის" 36 წლის ნახევარმცველ დირკ კიუტის "ლივერპულში" გატარებული ექვსი სეზონის განმავლობაში არაერთი მატჩი ჩაუტარებია. მის მიერ პრემიერ ლიგაში გატანილი 51 გოლიდან 3 "იუნაიტედის" კარში გავიდა, როცა ჰოლანდიელმა 2011 წლის 6 მარტს ჰეთ-ტრიკი გაიფორმა 3-1 მოგებულ მატჩში.

"ფეიენოორდის" ავსტრალიელი მეკარე ბრედ ჯონსი სამი სეზონის განმავლობაში იყო "ლივერპულის" სათადარიგო მეკარე, სანამ 2015 წელს "ენფილდს" დატოვებდა. მან ერთი მატჩი ჩაატარა "იუნაიტედის" წინააღმდეგ და მაშინ "ლივერპული" 3-0 დამარცხდა.

"ფეიენოორდის" მთავარი მწვრთნელი ჯოვანი ვან ბრონქჰორსტი 2001-2003 წლების სეზონში "არსენალის" რიგებში თამაშობდა და "იუნაიტედის" წინააღმდეგ მატჩიც ჩაუტარებია.

გუნდების მწვრთნელები

ჟოზე მოურინიომ "იუნაიტედი" გასულ ზაფხულს ჩაიბარა. პორტუგალიელმა "პორტუ" უეფა-ს თასისა და ჩემპიონთა ლიგის გამარჯვებული გახადა, მოგვიანებით კი ეს უკანასკნელი ტურნირი "ინტერთან" ერთად მოიგო. მოურინიო ორჯერ გახდა "ჩელსის" მთავარი მწვრთნელი და ამ პერიოდში სამჯერ მოიგო პრემიერ ლიგა.

ამ ტურნირზე მოურინიო უკანასკნელად 2002/03 წლებში მონაწილეობდა. მაშინ მისმა "პორტუმ" უეფა-ს თასის ფინალში "სელტიკს" 3:2 სძლია.

ჯოვანი ვან ბრონჰორსტმა "ფეიენოორდის" ჩაბარების პირველ წელს გუნს ჰოლანდიის თასი მოაგებინა. ფეხბურთელის რანგში ჰოლანდიის ნაკრების ყოფილმა ფეხბურთელმა ჩემპიონის ტიტული მოიგო "რეინჯერსთან", "არსენალსა" და "ბარსელონასთან" ერთად, ხოლო ჩემპიონთა ლიგა 2005/06 წლებში კატალონიელებთან ერთად.

გუნდების ბოლო შედეგები თავისი ქვეყნების ჩემპიონატის ბოლო მატჩებში:

21.11.2016. "იუნაიტედი" - "არსენალი" 1:1 (მატა 69', - ჟირუ 89')

"იუნაიტედი დე ხეა, როხო, ჯონსი, დარმიანი (ბლინდი 64), ვალენსია, მატა (შნეიდერლინი 85), ერერა, კერიკი, პოგბა, მარსიალი (რუნი 63), რეშფორდი.

მდგომარეობა ჩემპიონატში: მე-6 ადგილი, 19 ქულა.

20.11.2016. "ფეინოორდი" - "ზვოლე" 3:0 (კიუიტი 38, ელ-აჰმადი 71, ტორნსტრა 76)

"ფეიენოორდი": ჯონსი, კარსდორპი, ბოტეგინი, ვან დერ ჰეიდენი, ნიუკოპი, ელ-აჰმადი, კიუიტი, ტრინდადე, ტორნსტრა, იორგენსენი, ელია

მდგომარეობა ჩემპიონატში: მე-1 ადგილი, 32 ქულა