მას შემდეგ, რაც 2015 წელს "ლივერპულის" სათავეში იურგენ კლოპი ჩადგა, "მერსეისაიდელებმა" პრემიერ ლიგის გუნდებს შორის ყველაზე მეტი (73) გოლი გაიტანეს და საუკეთესო საშუალო მაჩვენებელი აქვთ ბურთის ფლობის მიხედვით (58,8%).

ჟოზე მოურინიოს წინააღმდეგ იურგენ კლოპი მხოლოდ ერთხელ დამარცხდა 5 მატჩში (3 მოგება, 1 ფრე, 1 წაგება). ეს მარცხი 2013 წელს მადრიდში იწვნია, როცა ჩემპიონთა ლიგის ნახევარფინალის განმეორებით შეხვედრაში მისი "ბორუსია" "რეალმა" 2-0 დაამარცხა.










"მანჩესტერ იუნაიტედის" ანგარიშზე გასული სეზონის ამავე ეტაპზე 3 ქულით მეტი (16) ირიცხებოდა, ვიდრე პრემიერ ლიგის მიმდინარე სეზონში (13).








წამყვანი ბომბარდირები: კოუტინიო, ფირმინო, მილნერი - 4-4 გოლი.





წამყვანი ბომბარდირი: იბრაჰიმოვიჩი - 6 გოლი (4 ლიგაში).

"მანჩესტერ იუნაიტედის" კაპიტან უეინ რუნის კიდევ 3 გოლის გატანა სჭირდება იმისათვის, რომ სერ ბობი ჩარლტონთან ერთად კლუბის ყველა დროის საუკეთესო ბომბარდირის წოდება გაიყოს.

გასვლით მატჩში გატანილი მომდევნო გოლი რუნის პრემიერ ლიგის საუკეთესო ბომბარდირად აქცევს მეტოქის მოედანზე გატანილი გოლების მიხედვით. ამჟამად რუნი პირველ ადგილს ალან შირერთან იყოფს 87 გოლით.

"იუნაიტედის" კაპიტანმა "ლივერპულთან" მატჩში 6 გოლი გაიტანა. მხოლოდ სტივენ ჯერარდს, "ლივერპულის" ყოფილ კაპიტანს აქვს გატანილი ამ გუნდებს შორის დაპირისპირებაში უფრო მეტი (8) გოლი.

ხუან მატამ "ლივერპულის" წინააღმდეგ პრემიერ ლიგაში ჩატარებულ ბოლო 4 მატჩში გასულ 5 გოლში მიიღო მონაწილეობა - 3 გოლი და 2 საგოლე გადაცემა.

ზლატან იბრაჰიმოვიჩს ჩემპიონატის ზედიზედ მესამე მატჩში არ გაუტანია გოლი. 2015 წლის იანვრის შემდეგ ეს მისი ყველაზე ცუდი მაჩვენებელია.

2016 წლის 25 თებერვალს "იუნაიტედის" რიგებში დებიუტის შემდეგ მარკუს რეშფორდმა ყველა ტურნირზე 12 გოლი გაიტანა. ეს 4 გოლით მეტია, ვიდრე კლუბის ნებისმიერი სხვა ფეხბურთელის მიერ ამავე პერიოდში გატანილი გოლების რაოდენობა. ასევე ორით მეტია, ვიდრე "ლივერპულის" ნებისმიერი ნებისმიერი ფეხბურთელის მიერ დებიუტის შემდეგ გატანილი გოლების რაოდენობა იმავე პერიოდში.

ურთიერთშეხვედრები

გუნდები ერთმანეთს ყველა ტურნირის ეგიდით 196-ჯერ შეხვდნენ. "მანჩესტერ იუნაიტედმა" გამარჯვება 79-ჯერ იზეიმა, "ლივერპულმა" 65-ჯერ, ხოლო 52 შეხვედრა ფრედ დასრულდა.

"ლივერპული" "იუნაიტედთან" ინგლისის ჩემპიონატში 67-ჯერ დამარცხდა, მათ შორისაა პრემიერ ლიგაში წაგებული 27 მატჩიც - ეს უფრო მეტია, ვიდრე ნებისმიერი სხვა გუნდის წინააღმდეგ განცდილი მარცხის რაოდენობა.

"ლივერპულმა" პრემიერ ლიგაში "მანჩესტერ იუნაიტედის" წინააღმდეგ ჩატარებული ბოლო 4 მატჩი წააგო. 2008 წლის მარტის შემდეგ, როცა ასეთი მარცხების რაოდენობა 5-ს აღწევდა, "მერსეისაიდელებს" ასეთი ცუდი მაჩვენებელი "წითელ ეშმაკებთან" არასდროს ჰქონიათ.

"ლივერპულმა" პრემიერ ლიგაში "იუნაიტედის" წინააღმდეგ "ენფილდზე" ჩატარებული ბოლო 2 მატჩი წააგო. ბოლოს ზედიზედ სამი საშინაო მარცხი ჩემპიონატში მათ 2005 წლის იანვარში განიცადეს.

პრემიერ ლიგის ისტორიაში მსაჯები მოედნიდან ფეხბურთელებს უფრო ხშირად (21-ჯერ) მხოლოდ "ლივერპულისა" და "ევერტონის" მატჩში აძევებდნენ, ვიდრე "იუნაიტედისა" და "ლივერპულის" დაპირისპირებაში - 16.

სახლში და გასვლაზე

ლიგა: "იუნაიტედი" - 67 მოგება, "ლივერპული" - 55 მოგება, ფრე - 44.
პრემიერ-ლიგა: "იუნაიტედი" - 27 მოგება, "ლივერპული" - 12 მოგება, ფრე - 8.



ლიგა: "ლივერპული" - 38 მოგება. "იუნაიტედი" - 25 მოგება, ფრე - 19.

პრემიერ-ლიგა: "ლივერპული" - 8 მოგება. "იუნაიტედი" - 12 მოგება, ფრე - 4

წინა ანალოგიური შეხვედრა

"ლივერპული" 0-1 "მანჩესტერ იუნაიტედი"

თარიღი: 17 იანვარი, 2016 წელი
მსაჯი: მარკ კლატენბურგი
გოლი "იუნაიტედის" რიგებში: რუნი 78'

მსაჯთა ბრიგადა

მთავარმა მსაჯმა ენტონი ტეილორმა მიმდინარე სეზონში ყველა ტურნირზე 9 მატჩში იმსაჯა და 27 ყვითელი ბარათი უჩვენა.

გვერდითი მსაჯები: სტივ ბენეტი, სტივენ ჩაილდი
სათადარიგო არბიტრი: მარტინ ატკინსონი