"ტოტენჰემის" ყოფილი მწვრთნელი ჰარი რედნაპი უეინ რუნის პრემიერ ლიგის სხვა კლუბში გადასვლას ურჩევს.

სეზონის არადამეჯრებლად დაწყება და "იუნაიტედის" სასტარტო შემადგენლობაში ადგილის დაკარგვა 30 წლის რუნის პერსპექტივებს ეჭვქვეშ აყენებს.

რედნაპს იმედი აქვს, რომ რუნი მოახერხებს "წითელ ეშმაკებში" კარიერის რეაბილიტირებას, მაგრამ იმ შემთხვევისთვის, თუკი ეს არ გამოუვა, სხვა კლუბში გადასვლას ურჩევს - მაგალითად, "ჩელსიში", ან "არსენალში".

"მისი სათამაშო ფორმა უკეთესის სურვილს ტოვებს და იმედი მაქვს, "ოლდ ტრაფორდზე" თავისი თამაშის აღდგენას შეძლებს, მაგრამ თუ ვერა, დეკორაციის გამოცვლა წაადგებოდა.

რა თქმა უნდა, უეინთან მიმართებაში სულ სხვა დონესთან გვაქვს საქმე, მაგრამ პოლ მერსონის მოსვლამ ჩემი "პორტსმუთი" გარდაქმნა. 2002 წელს მოვიდა, ბიჭები მას აღმერთებდნენ, კარგი ფეხბურთელი იყო და მისი ხასიათისთვის ახალ გამოცდილებად იქცა.

ზოგიერთ ფეხბურთელს ასეთი რამ მხოლოდ სარგებლობას სძენს და იქნებ უეინსაც ახალი გამოწვევა სჭირდება.

რამდენიმე სეზონისთვის პრემიერ ლიგის რომელიმე კლუბს ძალიან გამოადგებოდა. "იუნაიტედმა" რომ გაუშვას, ტოპ-ოთხეულის გუნდს გააძლიერებდა.

მე რომ ვიღებდე გადაწყვეტილებას, უეინს "არსენალში" ან "ჩელსიში" გადავიყვანდი, რათა 9-ანის ან 10-ანის პოზიციაზე ეთამაშა - ნახევარდაცვა მისი საქმე არ არის", - დაწერა რედნაპმა თავის გრაფაში.