ზლატან იბრაჰიმოვიჩმა, პრემიერ ლიგის ჩემპიონ "ლესტერთან" დაპირისპირებასა და მანჩესტერულ კარიერაში საკუთარ, პირველ ოქროს გამოწვევაზე ისაუბრა.
შვედი ფორვარდი "უემბლიზე" ოფიციალურ სადებიუტო შეხვედრას ჩაატარებს. ზლატანი საკუთარ შესაძლებლობებსა და გუნდთან ერთად დასახული მიზნების ასრულებაში დარწმუნებულია.
MUTV-ის მიერ დასმულ კითხვაზე, იქნება თუ არა სცენა ვინმეს განსხვავებულობის გამო სრულყოფილი, ზლატანმა უპასუხა: "ვნახოთ. ვგულისხმობ, რომ მჯერა, ეს პირველი ტიტულის მატჩია. ერთი თამაში, ერთი ტიტული. აქ დროის გასაფლანგად არ მოვსულვარ. მანჩესტერში მოსაგებად მოვედი.
ეს ტიტულისთვის პირველი მატჩია და ამ თასს ჩვენ სახლში წავიღებთ. ჩემთვის, ყოველი ტიტული სერიოზულია. 30-მდე თასი მაქვს, მაგრამ მსურს მეტი მქონდეს. სანამ ყველაფერს არ მოვიგებ, მანამ კმაყოფილი არ ვიქნები. ეს არის, რისთვისაც ჩვენ ვთამაშობთ და მე გამარჯვებისთვის ვთამაშობ.
სადაც მივედი, ყველგან გამარჯვებისთვის თამაშობდნენ. "იუნაიტედში" დროის დასაკარგავად არ მოვსულვარ. მჯერა, რომ კლუბს მსგავსი ფილოსოფია აქვს, განსაკუთრებით "მანჩესტერ იუნაიტედს".
სწორედ ეს გზა არსებობს. პირველი მატჩი, ერთი თამაში და ერთი ტიტული. ინგლისის წინააღმდეგ შვედეთის ნაკრების რიგებში "უემბლიზე" ვთამაშობდი და ეს ნამდვილად უზარმაზარი სტადიონია, ასე რომ მატჩს მოუთმენლად ველი,"