"მანჩესტერ იუნაიტედის" კაპიტანს, რომელიც "ბორნმუთთან" მატჩში საუკეთესო ფეხბურთელად დასახელდა, მიაჩნია, რომ ნახევარდაცვაში თამაში მისი მომავლის პერსპექტივაა.

რუნიმ "ოლდ ტრაფორდზე" მე-100 გოლი გაიტანა და თანაგუნდელებს კიდევ ორი გოლის გატანაში დაეხმარა, მატჩი 3-1 დასრულდა, "იუნაიტედი" კი ევროპის ლიგის ჯგუფურ ეტაპზე გავიდა.

როცა ჰკითხეს, მისი როლის შესახებ, უეინმა უპასუხა: "ვფიქრობ, ხანდახან შენს კარიერაში არჩევანი უნდა გააკეთო და ამჟამად ჩემთვის უკეთესია სიღმეში თამაში.

ახლა ოდნავ განსხვავებული იქნება ინგლისის შემთხვევაში, ჯერ კიდევ კაპიტანი ვარ. მაგრამ ევროპის ჩემპიონატის შემდეგ, მომდევნო სეზონში, ნახევარდაცვაში ვხედავ ჩემს თავს".

სამშაბათს მოგებული მატჩის შემდეგ "წითლებმა" მეხუთე ადგილი გაინაღდეს, უეინი კი მოხარულია იმით, თუ როგორი რეაქცია გამოავლინეს მისმა თანაგუნდელებმა კვირას გადადებულ მატჩზე.

"დღეს რთული მატჩი გვქონდა კვირას მომხდარი ამბებიდან გამომდინარე და უკვე ვიცოდით, რომ მეოთხე ადგილი დაკარგული გვქონდა. დღეს კი მოედანზე რომ გამოვდიოდით, უნდა დავრწმუნებულიყავით, რომ ამას ჩვენზე გავლენა არ უქონია, რადგანაც შაბათს დიდი მატჩი გველის და ამ მატჩისთვის კარგი განწყობა გვჭირდებოდა.

ვფიქრობ, კარგი გამარჯვება მოვიპოვეთ, კომფორტული. ამ მატჩის მოგება გვჭირდებოდა ჩვენი გულშემატკივრებისთვის, "ოლდ ტრაფორდზე" სეზონის ბოლო მატჩისთვის და ფინალამდე მუხტისთვის".

მიუხედავად იმისა, რომ "იუნაიტედი" "მანჩესტერ სიტის" მხოლოდ გატანილი და გაშვებული ბურთების უარესი სხვაობის გამო ჩამორჩა და ჩემპიონთა ლიგაზე მოხვედრის შანსი მხოლოდ ამ მიზეზით გაუშვა ხელიდან, რუნი ახლა მხოლოდ ფინალურ მატჩზე ფიქრობს.

"რა თქმა უნდა, ასეთი კალიბრის გუნდმა, ასეთი ისტორიით, უმაღლეს ტურნირებზე უნდა ითამაშოს. ძალიან სამწუხაროა, რომ ამას ვერ ვაკეთებთ, მაგრამ ახლა შაბათის მატჩისთვის თავი ხელში უნდა ავიყვანოთ. იმედი მაქვს, სეზონს მაღალ ნოტაზე დავასრულებთ".

წყარო: manutd.com