ანდრეას პერეირას იმედი აქვს, რომ "მანჩესტერ იუნაიტედის" 21-წლამდელთა გუნდში გატანილი ორი გოლი ასოციაციის თასზე პირველი გუნდის რიგებში თამაშის საშუალებას მისცემს.

20 წლის ფეხბურთელმა "ტოტენჰემს" კუთხურიდან გაუტანა გოლი, მოგვიანებით კი დუბლი შეასრულა და თავის გუნდს გამარჯვებაში დაეხმარა.

"ვფიქრობ, მატჩის რიტმი მჭირდება, ამიტომ კარგი იყო 21-წლამდელთა გუნდში თამაში. აქ თამაში სასარგებლოა, იმედი მაქვს, უფრო მეტ დროს მივიღებ.

პირველი გუნდის დონე უფრო მაღალია, რა თქმა უნდა, მაგრამ ორივე მაღალი ინტენსიურობით გამოირჩევა. იმედი მაქვს, მწვრთნელს დავუმტკიცებ ჩემი თამაშითა და გოლებით, რომ შაბათს უნდა ვითამაშო. 2015 წელი დიდებული გამოდგა ჩემთვის და იმედი მაქვს, ეს წელი უკეთესი იქნება", - განაცხადა პერეირამ.

წყარო: manutd.com