"ტოტენჰემის" პრეზიდენტმა დანიელ ლევიმ თავისი კლუბის მთავარი მწვრთნელი მაურისიო პოჩეტინო დაარწმუნა, რომ მეკარე უგო ლორისი და თავდამსხმელი ჰარი კეინი ზაფხულს კლუბს არავითარ შემთხვევაში არ დატოვებენ.

ორივე წამყვანი მოთამაშე "მანჩესტერ იუნაიტედის" სატრანსფერო სამიზნეთა სიაში ირიცხება - ლორისს დავიდ დე ხეას შემცვლელად მოიაზრებენ, რომელიც მადრიდის "რეალში" გადავა, ხოლო ჰარი კეინში "იუნაიტედი" 40 მლნ. ფუნტის გადახდას აპირებს.

იმ შემთხვევაშიც კი, თუ "იუნაიტედი" 70 მლნ. ფუნტს გადაიხდის ორივე ფეხბურთელში, "ტოტენჰემი" არც ერთ მოთამაშეს არ განშორდება, რადგან ეს დიდი დარტყმა იქნება კლუბის ამბიციებზე, რაც ჩემპიონთა ლიგის ზონაში მოხვედრას გულისხმობს.

ლევიმ პირადად აცნობა პოჩეტინოს, რომ კეინისა და ლორისის თაობაზე გადაწყვეტილებას თვითონ არ მიიღებს. ამასთან ერთად, გარეტ ბეილში აღებული თანხის დახარჯვამ ცხადყო, რომ კლუბი არცთუ წარმატებით ახორციელების ინვესტირებას ფეხბურთელებში.

წყარო: the telegraph