"შედეგით უკმაყოფილო ვარ, მაგრამ თამაშით- პირიქით. როგორც გუნდი, ჩვენ ფანტასტიურად გამოვიყურებოდით - "ჩელსი" მოედნიდან გავდევნეთ.

სამწუხაროდ, დღეს ეფექტურები ვერ ვიყავით, რადგან ბევრი შანსი შევქმენით და გოლის გატანა მაინც ვერ მოვახერხეთ. მეტოქის ორგანიზებული დაცვის მიუხედავად, პირველ ტაიმში 3, ხოლო მეორეში 6 მომენტი გვქონდა მაშინ, როცა "ჩელსიმ" მთელი მატჩის განმავლობაში მხოლოდ 2-ჯერ შემოგვიტია.

მოედანზე ვდომინირებდით, თუმცა დავმარცხდით. ფეხბურთში მთავარი მხოლოდ შედეგია. გასახდელში ბიჭებს ვესაუბრე და ვუთხარი, რომ ყოველ კვირაში ვვითარდებით და ვუმჯობესდებით. როდესაც "იუნაიტედის" სათამაშო სტილს ხედავ, შეგიძლია, ბედნიერი იყო - სწორედ ეს არის მთავარი."

ედენ აზარის 38-ე წუთზე გატანილი გოლით "არისტოკრატები" კიდევ უფრო მიუახლოვდნენ ტიტულს. "ჩელსიმ" დაცვითი ტაქტიკა აირჩია და თამაში კონტრ-შეტევებზე ააწყო, რამაც გაამართლა, თუმცა ვან გაალი არ ფიქრობს, რომ მოურინიოს სწორედ ეს ჰქონდა ჩაფიქრებული:

"არა, მე ასე არ ვფიქრობ. ყველას სხვადასხვა აზრი შეიძლება ჰქონდეს, მე კი არ მგონია, რომ მეტოქეს სწორედ ეს ჰქონდა დავალებული. გამარჯვებული იღებს ყველაფერს - ეს სიმღერაა, თუმცა სწორედ ასე ხდება."