"მანჩესტერ იუნაიტედის" ნახევარმცველი მარუან ფელაინი მანჩესტერულ დერბიში ერთ-ერთი მთავარი მოქმედი ფიგურა გახდა.

ბელგიელს წინააღმდეგობის გაწევა იაია ტურესთვის უხდებოდა, მაგრამ მაინც მოახერხა გოლის გატანა და მატჩის საუკეთესო ფეხბურთელის პრიზის მოპოვება.

იანგს კი მიაჩნია, რომ მარუანმა დაიმსახურა მატჩის საუკეთესო ფეხბურთელის წოდება და თვლის, რომ იაია ტურე ფელაინის ფონზე დაიჩაგრა.

"ფელაინი ბრწყინვალე იყო. ყველა ამას იტყვის. გუნდში მოსვლის შემდეგ, ფანტასტიურია. მანამდე მითქვას, რომ ძალიან ცოტა ადამიანი თუ გაუმკლავდება მას. თავის საუკეთესო დღეს დაუმარცხებელია. არა მგონია, რომ იაია ტურეს ფელაინისთან უკან დახევა სურდა, უნდოდა მოედნის მეორე მხარეს ყოფილიყო, მაგრამ ვალდებული იყო ფელაინისთან ეთამაშა.

როცა ფელაინი საჯარიმოშია და მისი პოვნა შეგიძლია, აუცილებლად გექნება გოლის გატანის შანსი. შორეულ ძელთან დავინახე და იმედი მქონდა, რომ ბურთს მისწვდებოდა და გაიტანდა, საბედნიეროდ, ასეც მოხდა", - განაცხადა იანგმა.

ფელაინი ვან გაალმაც შეაქო, რომელმაც ბელგიელს საშუალება მისცა "იუნაიტედის" ქომაგისგან შეცვლაზე გასვლის დროს ოვაციები მიეღო.

"გულშემატკივარი ხედავს, რომ გუნდისთვის ძალიან მნიშვნელოვანია. მას გააქვს გოლები და ამცირებს ზეწოლას, როცა ეს გვჭირდება. ის ყოველთვის ათამაშებს ბურთს წითელ მაისურიანი გუნდისთვის - ეს ძალიან მნიშვნელოვანია. ძალიან მიხარია მის გამო. როცა ხედავ, როგორი ოვაციებით ხვდება ხალხი მატას, ფელაინის და ჯონსის ცვლილებას, უბრალოდ ფანტასტიურია."

წყარო: manutd.com