"იუნაიტედს" სეზონის დასკვნითი და ყველაზე მნიშვნელოვან ეტაპი ელის წინ. 10 - სწორედ ამდენი მატჩია "წითელი ეშმაკების" განკარგულებაში, რათა საწადელს მიაღწიონ და ჩემპიონთა ლიგის საგზური მოიპოვონ, თუმცა მეტოქეც იმავე ამოცანის წინაშეა და არაფრის დათმობას არ აპირებს. კვირას "ოლდ ტრაფორდი" კვლავ ახმაურდება და გულშემატკივარი საყვარელი გუნდის წარმატების იმედად არენას გაავსებს. ვან გაალს მხოლოდ რობინ ვან პერსი დააკლდება, თუმცა უეინ რუნის შეტევაში დაბრუნებამ ეს დანაკლისი აღმოფხვრა.





მოდით, მარჯვნიდან მარცხნივ მივყვეთ: ბრაზილიელ, ახალგაზრდა და ძალიან ნიჭიერ მცველს წელსაც მრავალფეროვანი სეზონი გამოუვიდა, იყო გაბრწყინებები, წარუმატებლობა და გაუჩინარებაც კი, თუმცა რაფაელმა ფარ-ხმალი არ დაყარა. და სილვა ბევრჯერ სარეზერვო გუნდშიც ვიხილეთ, მაგრამ ამანაც ვერ გატეხა, პირიქით ძალები მოაკრებინა და დასაბრუნებლად მოამზადა. უკანასკნელ შეხვედრაში, რომელიც 21-წლამდელთა გუნდს სწორედ "დეზების" ახალგაზრდულ" შემადგენლობასთან ჰქონდა, რაფაელმა ძალიან ლამაზი გოლი გაიტანა და მთელი თამაში კარგად გამოიყურებოდა, მასზე ვან გაალმაც ისაუბრა და აღნიშნა, რომ ბრაზილიელი მზადაა დაბრუნდეს. თუკი დი მარიას დისკვალიფიკაციას და იანუზაის უნიათო თამაშს გავითვალისწინებთ, დიდია იმის ალბათობა ვალენსიამ ძველი დრო გაიხსენოს, ხოლო მარჯვენა მცველის პოზიცია რაფაელს დაუთმოს. სმოლინგი-როხოს წყვილი დღესდღეობით ერთ-ერთი საუკეთესოა "იუნაიტედში", თუმცა არგენტინელს მცირე ტრავმა აწუხებს და შესაძლოა, იგი ფილ ჯონსმა ჩაანაცვლოს, რომელიც ოპტიმალურ ფორმაში ნამდვილად არ იმყოფება. მარცხენა ფლანგი კი ახალგაზრდა ლუკ შოუს ეკუთვნის თუ, რა თქმა უნდა, ჯანმრთელად იქნება.





ნახევარდაცვის ცენტრში ვითარება რთულადაა, არჩევანი სამია: კერიკი-ერერა, კერიკი-ბლინდი, ერერა-ბლინდი. პირადად ჩემთვის ყველაზე მისაღები წყვილი ინგლისურ-ესპანურია, რადგან მაიკლი თავისი გამოცდილებით და ანდერი ენერგიულობით დიდ პრობლემებს შეუქმნის მეტოქეს, თუმცა არის ერთი ფაქტორიც, რამდენად შეელევა ლუი თანამემამულეს. ფაქტია, რომ კერიკი-ბლინდის დუეტი არ მუშაობს და ეს "არსენალთან" მატჩშიც გამოჩნდა, იმედი მაქვს, ეს მხოლოდ მე არ დამინახავს და სამწვრთნელო შტაბიც ყურადღებით ადევნებდა თვალს შეხვედრის მეორე ნახევარს. ცენტრალურ ნახევარმცველთა წყვილის წინ, 10-იანის პოზიციაზე ხუან მატას დაბრუნებას ველი, რომელიც სასტარტო შემადგენლობაში 17 იანვრის შემდეგ არ გამოჩენილა. ხუანს ნამდვილად შეუძლია თამაშის გამრავალფეროვნება, ესპანელი კრეატივს ნამდვილად არ უჩივის, ეს კი სწორედ ის არის, რაც ბოლო თამაშებში გუნდს აკლია. მატას ფლანგებიდან, ეშლი იანგი და ანტონიო ვალენსია დაეხმარებიან, პირველი მათგანის ხილვა არავის უკვირს, ხოლო რაც შეეხება ვალენსიას, მისი ამ პოზიციაზე დაბრუნება რამ განაპირობა უკვე ავხსენით.





ერთადერთი გამოკვეთილი ფორვარდად კვლავ უეინ რუნი რჩება, რომელმაც ბოლო 3 შეხვედრაში 3 გოლის გატანა მოახერხა და კიდევ ეცდება მეტოქეების დამწუხრებას.


სრული შემადგენლობა:დე ხეა, რაფაელი, სმოლინგი, როხო, შოუ, კერიკი, ერერა, ვალენსია, მატა, იანგი, რუნი.

ეთანხმებით თუ არა ავტორს?

კი

არა

ნაწილობრივ

ხმის მიცემა შედეგები