როდესაც ფილ ჯონსი კუთხურის მოსაწოდებლად წავიდა, "ქუინს პარკ რეინჯერსთან" გამართულ შეხვედრაში, გულშემატკივარი გახალისდა, თუმცა ამავდროულად ჩააფიქრა... მაგრამ რატომ არ უნდა მოქცეულიყო ფილ ასე?

ყველაზე საინტერესო მაინც მსოფლიოს რეაქცია იყო ტვიტერზე. ფილის ჩაწოდებისთანავე სოციალური ქსელი აფეთქდა:

@retromanunited წერს: "ჯონსი კუთხურებს აწვდის, "იუნაიტედი" მთლიანად გარდაისახა, ის რაც მოედანზე ხდება ქლევერლის ეპოქას მაგონებს..."

@RFFH: "არ აქვს მნიშვნელობა რა მოხდება შემდეგ, ეს დღე ისტორიაში შევა, როგორც ჯონსის კუთხურის დღე!"

@Samar7: "არ მსურს იმ სამყაროში ცხოვრება, რომელშიც ფილ ჯონსი კუთხურებს აწვდის."

მეორე მხრივ, რატომაც არა, რატომ არ შეიძლება ეს მოხდეს? ვიღაც ალბათ მეტყვის, რომ ისეთი მაღალი და ძლიერი მოთამაშე, როგორიც ჯონსია სტანდარტების დროს საჯარიმოში უნდა იყოს, თუმცა ინგლისელს მხოლოდ 2 გოლი აქვს გატანილი 116 ჩატარებულ შეხვედრაში და არ მახსენდება რომელიმე მათგანი სწორედ კუთხურის ჩაწოდების შემდეგ გასულიყო. უმჯობესია რუნი, ვან პერსი ან დი მარია იყვნენ კუთხურის ალამთან? შეიძლება, თუმცა მათ შეუძლიათ საჯარიმოში ყოფნისას გოლის გატანა.



წარმოიდგინეთ, ფილ ჯონსს კუთხური დევიდ მოიესის ეპოქაში მოეწოდებინა.

პრობლემა იმაშია, რომ ჯონსის დადანაშაულება ყველაზე ადვილია. იგი არ ჰგავს ფეხბურთელს, რომელსაც შეუძლია კუთხურების კარგად ჩამოწოდება, თუმცა მთლიანად საფეხბურთო სამყაროში ძალიან ცოტა თუ მოიძებნება, ვისაც იდეალურად გამოსდის ეს საქმე. "იუნაიტედმა" მიმდინარე სეზონში 116 კუთხურიდან, მხოლოდ 3 გოლის გატანა შეძლო. "ქალაქელებს" კიდევ უფრო ცუდი შედეგი აქვთ: 2 გოლი 149 ცდიდან, ყველაზე ცუდი შედეგი კი "სუონსისა" და "ასტონ ვილას" აქვთ, რომლებმაც მხოლოდ ერთხელ მოახერხეს გოლის გატანა ამ სტანდარტის შემდეგ.

პრემიერ ლიგაში იშვიათად თუ ვინმე ისე ცუდად მოაწვდის კუთხურს, როგორც ეს გასულ სეზონში იგაო ასპასმა ჰქნა, ამიტომ არ ქვს მნიშვნელობა "იუნაიტედის" შემადგენლობიდან ვინ იდგება ალამთან აწეული ხელებით, ჩაწოდებას მაინც ძალიან იშვიათად მოჰყვება გოლი.

ეს კი იაგო ასპასის "შედევრი":



არავინ იცის, ამ ქმედებით ლუი ვან გაალს ყველას გაოცება უნდოდა თუ არა(როგორც ეს მან მსოფლიო ჩემპიონატზე გააკეთა, 11-მეტრიანების დროს მეკარის შეცვით), მაგრამ სამართლიანობა მოითხოვს ავღნიშნოთ, რომ ნაკლებად სავარაუდოა მომავალში ჯონსის ხილვა იგივე სიტუაციაში.

მოთამაშეები, რომლებიც ყველაზე ხშირად აწვდიან კუთხურს, პრემიერ ლიგის მიმდინარე სეზონში:

• ფაბრეგასი -102
  
• ერიკსენი - 83
  
• დაუნინგი - 80
  
• კასორლა - 74
  
• ლარსონი - 70
  
• სიდგურსონი - 64
  
• სანჩესი - 58
  
• ნასრი - 54
  
• ბეინსი - 53
  
• ბრანტი - 53
  

მოთამაშეები, რომელთა ჩამოწოდებულ კუთხურს საგომე მომენტები მოჰყვა*:

• ბარტონი - 15
  
• კასორლა - 14
  
• დაუნინგი - 14
  
• ჯერარდი - 13
  
• ლარსონი - 13
  
• ფაბრეგასი - 10
  
• ჯეიმსი - 10
  
• სიდგურსონი - 10
  
• ერიკსენი - 9
  
• მოზესი - 9
  

* 20-ეულში არცერთი "იუნაიტედის მოთამაშე არ არის.


წყარო: carrick.ru