The Telegraph-ის ცნობით "მანჩესტერ იუნაიტედი" "მონაკოს" ფორვარდის რადამელ ფალკაოს გამოსყიდვას იაფად, ხელსაყრელი პირობებით შეეცდება.
მოგეხსენებათ, "იუნაიტედმა" ფალკაო ზაფხულის სატრანსფერო ფანჯრის დასრულებამდე რამოდენიმე საათით ადრე, "მონაკოდან" იჯარით გადმოიყვანა. სეზონის დაწყებიდან ფალკაომ კი სრულად გამოჯანმრთელება და ფორმის შენარჩუნება დიდხანს ვერ შეძლო.
გუშინ ფალკაომ "ქპრ"–თან შეხვედრაში (0:2) მოედანზე 90 წუთი დაჰყო, თუმცა სამწუხაროდ მთელი რიგი მომენტების გამოყენება და გოლის გატანა ვერ შეძლო. ალბათობა იმისა, რომ "იუნაიტედი" ფალკაოში გამოსასყიდ თანხას 43 მილიონ ფუნტს გადაიხდის, ძალიან მცირეა.
მოსალოდნელია, რომ "წითელი ეშაკები" სეზონის დასრულებას დაელოდებიან და მხოლოდ მას შემდეგ გადაწყვეტენ ფალკაოს დარჩენის საკითხს. "იუნაიტედი" შეეცდება "მონაკოს" ფალკაოს სანაცვლოდ 43 მილიონ ფუნტზე ნაკლები გადაიხადოს.
წინა კვირას ფეხბურთელის აგენტმა ფალკაოს მომავალზე მცირე კომენტარი გააკეთა:
"რადამელი კარგი ფეხბურთელია. "იუნაიტედის" გულემატკივრებს უნდა უხაროდეთ, რომ იგი მათი კლუბის ღირსებას იცავს. დაზუსტებით მხოლოდ იმის თქმა შემიძლია, რომ მომდევნო სეზონს რადამელ ფალკაო ტოპ კლუბიდან დაიწყებს. ზუსტად არ ვიცი იქნება ეს "იუნაიტედი" თუ არა. ამ ყველაფერს დრო გვიჩვენებს. მთავარია მოვლენების განვითარებას დაველოდოთ."