"მანჩესტერ იუნაიტედის" ყოფილი ფეხბურთელი, ბრაიან რობსონი მიიჩნევს, რომ "მანჩესტერ იუნაიტედს" მომავალ სეზონში რობინ ვან პერსი უკაპიტნებს.
ამ ზაფხულს "იუნაიტედი" ნემანია ვიდიჩს განშორდა, რის გამოც "იუნაიტედის" ახალ მწვრთნელს მოუწევს კაპიტნის სამკლაურს ახალი პატრონი მოუძებნოს.
სავარაუდო კანდიდატებს რობინ ვან პერსი, უეინ რუნი და მაიკლ კერიკი წარმოადგენენ. "იუნაიტედის" ყოფილი ფეხბურთელი, ბრაიან რობსონი, რომელმაც 13 წელი გაატარა "ოლდ ტრაფორდზე" და გუნდს კაპიტნობდა კიდეც, ფიქრობს, რომ ლუი ვან გაალი თავის თანამემამულეს აირჩევს.
"რობინი ჰოლანდიის ნაკრებშიც მისი კაპიტანი იყო, ამიტომ არჩევანი ნათელია. გაოცებული დავრჩები, თუ სამკლაურს რობინს არ გადასცმეს." - განაცხადა რობსონმა Press Association -თან ინტერვიუში.