დღეს, 1/8 ფინალში ერთმანეთს ჰოლანდიისა და მექსიკის ნაკრებები დაუპირისპირდნენ. შეხვედრა ძალიან საინტერესო და დრამატული გამოდგა, სადაც საბოლოოდ ვან გაალის გუნდმა იმარჯვა. "იუნაიტედის" ჰოლანდიელმა ფორვარდმა და ჰოლანდიის ნაკრების კაპიტანმა რობინ ვან პერსიმ 76–ე წუთამდე ითამაშა, ის მატჩის გმირმა – ჰუნტელაარმა შეცვალა. მატჩში მონაწილეობა აგრეთვე ხავიერ ერნანდესმაც მიიღო, რომელიც 75–ე წუთზე გამოჩნდა პერალტას ნაცვლად.

ანგარიში მექსიკელებმა 48-ე წუთზე ჯოვანი დოს სანტოსის გოლით გახსნეს. თუმცა, შეხვედრის ბედი ბოლო წუთებზე გადაწყდა. ძირითადი დროის დასრულებამდე 2 წუთით ადრე სნეიდერმა გაათანაბრა. მსაჯის მიერ კომპენსირებულ დროში კი მექსიკელთა კარის მიმართულებით პენალტი დაინიშნა, რომელიც ზუსტად კლას იან ჰუნტელაარმა შეასრულა და ჰოლანდია 1/4 ფინალში გაიყვანა.


გოლები: დოს სანტოსი 48 – სნეიდერი 88, ჰუნტელაარი 90+4 (პენალტი)
გაფრთხილება: აგილარი, მარკესი, გუარდადო



ჰოლანდია: სილესენი, ბლინდი, ვლაარი, დე ვრი, დე იონგი (მარტინს ინდი 9), ვეინალდუმი, ვერგჰეგი (დეპაი 56), კუიტი, სნეიდერი, ვან პერსი (ჰუნტელაარი 76), რობენი.

მექსიკა: ოჩოა, მორენო (რეიესი 46), მარკესი, როდრიგესი, ლაიუნი, გუარდადო, სალსიდო, ერერა, აგილარი, დოს სანტოსი (აკინო 62), პერალტა (ჩიჩარიტო 75).