"მანჩესტერ იუნაიტედის" ახალგაზრდა მცველის, სანაკრებო კარიერის ცხრილში ნაადრევი ცვლილებები შევიდა, რადგან ინგლისის ნაკრებმა დროზე ადრე დატოვეს მსოფლიო ჩემპიონატი.

"სამი ლომი" ჯგუფში ბოლო ადგილზე გავიდა. მათ შესაძლო 9 ქულიდან მხოლოდ და მხოლოდ 1 აიღეს და საკუთარი თავიც და გულშემატკივარიც გააწბილეს. ამასთან დაკავშირებით კომენტარს ფილ ჯონსი აკეთებს. "ეს არ იყო საკმარისი. ჩვენ მეტის თქმა ამ ეტაპაზე არ შეგვიძლია."

"ჩვენ მომავლისკენ უნდა ვიყუროთ. რა თქმა უნდა უარყოფით მოვლენებს თან დადებითიც ახლავს, ამიტომ ჩვენი ვალია ახლა შინ დავბრუნდეთ და ნეგატიურის დავიწყება დროულად შევძლოთ."

მოგეხსენებათ, გამოწვეული მითქმა-მოთქმის მიუხედავად, როი ჰოჯსონი პოსტს ინარჩუნებს და მისი ერთ-ერთი მხარდამჭერი თავად ფილ ჯონსია.

"როი, ჩვენი ბოსი, შესანიშნავი იყო. ვარჯიშებზე იგი ყველაფერს გვიხსნიდა და ჩვენც ადეკვატურად ვპასუხობდით. ჩვენ მას სათანადო მადლობას ვერასოდეს გადავუხდით." - აგრძელებს ჯონსი.

"წარუმატებლობა ჩვენი, ფეხბურთელების ბრალია, ვინც მოედანზე გავედით და საქმე გავაკეთეთ. სამწუხაროდ ყველაფერი ისე არ წარიმართა, როგორც ვგეგმავდით."

ჯონსს ახლა მთელი ყურადღება კლუბზე აქვს გადასატანი, რათა დარწმუნდეს, რომ ახალი მწვრთვნელის, ლუი ვან გაალის გეგმებში მისი ადგილი ყოველთვის იქნება.

"მე ვისურვებდი რომ კლუბში დაბრუნებისას ჩემი ადგილი გარანტირებული მქონდეს. მე რამდენიმე წლის წინ ვთქვი, რომ ეს დიდად არ მოქმედებს ჩემზე, მაგრამ ყოველთვის სასიამოვნოა, რომ ადგილი გარანტირებული გაქვს გუნდში."

"თქვენ მნახეთ მე დაცვის ცენტრში, მარჯვება მცველად და მოედნის ცენტრშიც, მაგრამ ვფიქრობ რომ ჩემი ადგილი დაცვის გულია. მე ყოველ კვირას ამას ვამბობ, რომ ბედნიერი "იუნაიტედში" ნებისმიერ პოზიციაზე თამაშით დანარჩენი უკვე მწვერთვნელის გადასაწყვეტია." - დაასრულა ჯონსმა.

წყარო: ManUnitedDevils.com