24 წლის ნახევარცმველი "ბილბაოს ატლეტიკს" 2011 წელს შეუერთდა. "იუნაიტედში" გადმოსვლამდე მან მოასწრო 128 მატჩის ჩატარება და 11 გოლის გატანა.

"მანჩესტერ იუნაიტედის" მწრთვნელის ასისტენტი, რაიან გიგზი მოხარულია ამ შენაძენით.

"ანდერი ფანტასტიური, ახალგაზრდა ფეხბურთელია, დიდი ენერგიითა და კრეატივით. ჩვენ გვჯერა, რომ ის არის ერთ-ერთი ყველაზე დიდი, კაშკაშა ვარსკვლავი ესპანეთში და მე ასევე დარწმუნებული ვარ, რომ ის გაცილებით უკეთესი გახდება "იუნაიტედისა" და მისი ფანების დახმარებით. მე ძალიან ბედნიერი ვარ, რადგანაც მან ბოლო-ბოლო გადაწყვიტა და შეუერთდა "მანჩესტერ იუნაიტედს" და დარწმუნებული ვარ, დიდ როლს ითამაშებს კლუბის მომავალში. ერთი სული მაქვს როდის ვითანამშრომლებ მასთან. ველი საზაფხულო ტურნეს ამერიკაში,"-აცხადებს რაიანი.

თავად ერერას განცხადებით, კი მისი ოცნება "იუნაიტედმა" აახდინა:

"მანჩესტერ იუნაიტედში" გადმოსვლა ოცნების ახდენას ნიშნავს. მე "ოლდ ტრაფორდზე" მითამაშია, მაგრამ "ატლეტიკის" მაისურით და ეს ერთ-ერთი შესანიშნავი და დასამახსოვრებელი მომენტი იყო ჩემს ცხოვრებაში. მე "იუნაიტედს" იმიტომ შევუერთდი, რომ ჩემი შესაძლებლობების მაქსიმალური გამოვავლინო და დავეხმარო კლუბს მიზნის მიღწევაში. სამშაბათს ჩამოვედი და ძალიან აღელვებული ვარ. ერთი სული მაქვს როდის მოვირგებ "იუნაიტედის" ცნობილ, წითელ მაისურს და ჩავატარებ პირველ თამაშს. მე არასდროს დამავიწყდება "ატლეტიკი" და იქ გატარებული დრო. მინდა დიდი მადლობა მოვუხადო ფანებს და სამწრთვნელო შტაბს მხარდაჭერისთვის და მინდა ყველაფერი საუკეთესო ვუსურვო ჩემს ფანტასტიურ ყოფილ თანაგუნდელებს."

ManUtd.com