ყველამ კარგად ვიცით უკვე, რომ რაიან გიგზი მომდევნო სეზონში "იუანაიტედში" როგორც ფეხბურთელი აღარ ითამაშებს, შესაბამისად 40 წლის ფეხბურთელის 11 ნომრიანი მაისურის მორგება სხვა ფეხბურთელს მოუწევს.
რაიან გიგზმა მას შემდეგ გამოაცხადა მისი გუნდიდან წასვლის შესახებ, რაც ლუის ვან გაალი გამოაცხადეს "იუანაიტედის" მწვრთვნელად, შესაბამისად 963 მატჩის ავტორი მანჩესტერული კლუბის რიგებში გადაინაცვლებს მწვრთვნელთა ბანაკში და ის ასისტენტის როლს შეითავსებს.
მიუხედავად იმისა, რომ რიგ კლუბებს აქვს ტრადიცია ნომრის "გაყინვის" "იუნაიტედი" ამ ტრადიციას არ იყენებს და არ აპირებს 11 ნომრის შენახვას. სწორედ ამიტომ, ადნან იანუზაი რომელიც სადებიუტო სეზონს ატარებდა კლუბში მიიღებს 11 ნომრიან მაისურს და მისთვის ამ ნომრით თამაში 2-მაგად და 11-მაგად საპასუხისმგებლო იქნება.
მაგალითსთვის, "ვესთ ჰემის" ლეგენდას ბობი მურს ექვს ნომრიანი მაისური აპტონ პარკზე დარჩა და 6 ნომერი მხოლოდ და მხოლოდ ისტორიას შემორჩა. ასევე იტალიური "მილანის" 3 და 6 ნომრიანი მაისური არის "გაყინული", შესაბამისად სან სიროს ლეგენდების ფრანკო ბარესის და პაოლო მალდინის საპატივსაცემულოდ.
თუმცა, "იუნაიტედი" ამ ტრადიციას არ იყენებს, სწორედ ამიტომ 11-ნომრიანი მაისური მუდმივად გადაეცემა სხვა მოთამაშეს, ისევე როგორც 7 ნომრიანი მაისური არ არის "გაყინული", რომელიც ბრაინ რობსონის, ერიკ კანტონას, დევიდ ბექემის და კრისტიანო რონალდუს ნომრები იყო ამ კლუბში.
წყარო:
Telegraph