ლუკ შოუმ საბოლოო გადაწყვეტილება მიიღო.
BBC-ს ინფორმაციით, ინგლისელმა მარცხენა მცველმა ლუკ შოუმ "პრემიერ ლიგის" ბოლო დღეს "საუზჰემპტონის" მესვეურებს განუცხადა, რომ მას სურს "მანჩესტერ იუნაიტედში" გადასვლა.
"იუნაიტედთან" ნათამაშები 1-1 ფრის შემდეგ "წმინდანებმა" გამართეს გუნდური შეკრება, სადაც ლუკ შოუმ "იუნაიტედში" გადასვლის სურვილი გამოთქვა.
იმ დროისთვის "მანჩესტერ იუნაიტედს" უკვე შეთავაზებული ჰქონდა 27 მილიონი ფუნტი ახალგაზრდა მცველისთვის.
თუმცა "საუზჰემპტონი" არ აპირებს რომელიმე ფეხბურთელის გაშვებას, სანამ ახალი მწვრთნელი არ ჩაუდგება გუნდს სათავეში.
როგორც მოგეხსენებათ, გუნდი უკვე დატოვა რიკი ლამბერტმა, რომელიც "ენფილდზე" გადაბარგდა, სავარაუდოდ მის ბედს გაიზიარებს კიდევ ერთი ინგლისელი, ადამ ლალანა.
"წმინდანები" ჯერ კიდევ მაურისიო პოჩეტინოს შემცვლელის ძიებაში არიან, რომლის მთავარ კანდიტადად განიხილება ჰოლანდიელი რონალდ კოემანი.
მიუხედავად ამისა, შოუს უკვე მიღებული აქვს გადაწყვეტილება. ტრანსფერის დაჩქარებას ითხოვს როი ჰოჯსონიც, რომელმაც ახალგაზრდა ფეხბურთელებს სთხოვა მათი მომავალი მსოფლიო ჩემპიონატის დაწყებამდე გადაეწყვიტათ.
წყარო:
BBC