ლუი ვან გაალმა გეგმები მთლიანად შეცვალა.
მას შემდეგ რაც გაცხადდა, რომ ლუი ვან გაალი ცესკ ფაბრეგასით არ ინტერესდებოდა, ცნობილი გახდა ისიც, რომ სატრანსფერო გეგმები მთლიანად შეიცვალა.
ჰოლანდიელმა აღმასრულებელ დირექტორს, ედ ვუდვორდს თავისი სია წარუდგინა იმ ფეხბურთელებისა, რომელთა ხილვაც მსოფლიო ჩემპიონატიდან დაბრუნების შემდეგ სურს.
"ბარსელონას" ნახევარმცველი, ცესკ ფაბრეგასი იყო ერთ-ერთი ფეხბურთელი, რომელიც ზაფხულში "მანჩესტერ იუნაიტედის" სახელს უკავშირდებოდა. მაგრამ ვან გაალის აზრით 27 წლის ესპანელი არ ჯდება მის გეგმებში და მას სურს სხვა ფეხბურთელებზე გადაიტანოს ყურადღება, რომელთა შორისაა კევინ სტროოტმანიც.
"იუნაიტედი" მზადაა 200 მლნ. დახარჯოს, რათა დევიდ მოიესის "გმირობის" შედეგად დარჩენილი არაევროპული წელი აღმოფხვრან.
ვუდვორდის სასურველ სიაში ტონი კროოსი, მარკო როისი, ლუკ შოუ და ცესკ ფაბრეგასი იყვნენ, თუმცა ბოლო კვირაში ბევრი რამ შეიცვალა. ვან გაალმა ახალი სია გადასცა ხელმძღვანელობას, რომლებსაც მისი აზრით სარგებლის მოტანა შეეძლებათ.
"რომას" ფეხბურთელი, კევინ სტროოტმანი ერთი-ერთი სამიზნეა, ისევე როგორც "საუთჰემპტონის" მარცხენა მცველი, ლუკ შოუ, რომლის სატრანსფერო თანხაც შესაძლოა 30 მლნ. ფუნტი აღმოჩნდეს.
ტონი კროოსის გადმობირების ალბათობამ კი საგრძნობლად დაიწია, მას შემდეგ რაც კროოსმა განაცხადა, რომ მას დარჩენა სურს.
ვან გაალს ასევე სურს "ბორუსიას" ცენტრალური მცველი, მატს ჰუმელსი, რომელიც ნემანია ვიდიჩის წასვლისგან წარმოქმნილ ხვრელს ამოავსებს.
სამიზნეები არიან ასევე "დნეპრის" ნახევარმცველი ევგენი კონოპლიანკა და "ბორუსიას" ფეხბურთელი მარკო როისი.
manchestereveningnews