"მანჩესტერ იუნაიტედს" ვერაფერი შეაჩერებს.
ცნობილი გამოცემა ESPN თავის წყაროზე დაყრდნობით იტყობინება, რომ "მანჩესტერ იუნაიტედი" წინ წაიწია მიუნხენის "ბაიერნის" ნახევარმცველის, ტონი კროოსი შეძენაში.
როგორც ვიცით კროოსი ვერაფრით ათანხმებს კონტრაქტის პირობებს "ბაიერნთან". მისი კონტრაქტი მომდევნო წელს იწურება. ამავდროულად "იუნაიტედი" მზადაა დააკმაყოფილოს კროოსის ფინანსური სურვილები და მას ორმაგ ხელფასს სთავაზობს.
ორთვიანი მოლაპარაკებების შემდეგ, რომელიც ტონი კროოსის აგენტთან იმართებოდა, "იუნაიტედი" სრულიად დარწმუნებულია, რომ მოლაპარაკებები ბოლომდე მივა. მიმდინარე მოლაპარაკების ძირითადი დეტალები უკვე შეთანხმებულია.
თუმცა 24 წლის გერმანელი ფეხბურთელის შეძენას უახლოეს დღეებში არ უნდა ველოდეთ. მოსალოდნელია, რომ "ბაიერნმა" კიდევ ერთხელ სცადოს ტონი კროოსის დარწმუნება, ამიტომაც სიტუაცია მხოლოდ მუნდიალის შემდეგ იქნება გარკვეული.
"იუნაიტედი" ასევე ინარჩუნებს ინტერესს "საუთჰემპტონის" ახალგაზრდა მარცხენა მცველის, ლუკ შოუს მიმართ, მაგრამ მოლაპარაკებები ბოლო დროს შენელდა.
დაბოლოს, გავრცელდა ინფორმაცია, რომ ლუი ვან გაალის სატრანსფერო მიზნებს შორის მაღალი ადგილი უჭირავს "ბორუსიას" ცენტრალურ მცველს, მატს ჰუმელსს. მისი დახმარებით ვან გაალი ცდილობს ნემანია ვიდიჩისა და რიო ფერდინანდის დანაკარგის აღმოფხვრას.
fapl.ru