ჰოლანდიელი ჟურნალისტის, პასკალ კამპერმენის თანახმად, "მანჩესტერ იუნაიტედის" სათავეში ლუი ვან გაალის მოსვლის შემთხვევაში შესაძლოა კაპიტნის სამკლაური რობინ ვან პერსიმ მოირგოს.

62 წლის მწვრთნელმა, რობინი ნაკრების კაპიტნადაც აირჩია 11 თვის წინ და მოსალოდნელია, რომ კლუბშიც შესთავაზოს იგივე ვალდებულება. კამპერმანის თქმით სწორედ რობინი ჩაანაცვლებს "ინტერში" წასულ ნემანია ვიდიჩს.

"დიახ, ასე იმიტომ ვფიქრობ, რომ მათ კარგი ურთიერთობა აქვთ." - განაცხადა კამპერმანმა Sky Sports-თან ინტერვიუში, როცა მას ჰკითხეს იქნებოდა თუ არა პერსი "იუნაიტედის" ახალი კაპიტანი.

"თავდაპირველად, როცა ბან გაალმა ჰოლანდიის ნაკრები ჩაიბარა, მათი ურთიერთობა არც თუ კარგად ვითარდებოდა, მაგრამ მოგვიანებით ყველაფერი დალაგდა და პერსიც მის მიმართ პოზიტიურად განეწყო"

"როცა ერთი ერთი თვის წინ ბრაზილიაში ჩამოვიდა, მათ ისაუბრეს მსოფლიო ჩემპიონატსა და იმაზე, თუ როგორ უნდა ეთამაშა ჰოლანდიას ამ ტურნირზე. ასე, რომ დიახ, მას ძალიან კარგი ურთიერთობა აქვს მასთან"

ჰოლანდიის ნაკრებს ორი დღე ექნება თავისუფალი ეკუადროთან მატჩის შემდეგ, რათა პორტუგალიაში გაემგზავროს და მსოფლიო ჩემპიონატისთვის მზადება განაგრძოს.

მოსალოდნელია, რომ სწორედ ამ ორ დღეში ჩავა ვან გაალი მანჩესტერში რათა მცირე დეტალები შეათანხმოს.

ჟურნალისტების აზრით ეს საქმე იქამდეც უნდა მოგვარებულიყო, მაგრამ კამპერმანი აცხადებს, რომ არაფერია გამორიცხული.

"რა თქმა უნდა დანამდვილებით არ ვიცი, მაგრამ ვფიქრობ ზოგიერთი დეტალი ჯერ კიდევ მოსაგვარებელია. ვფიქრობ შეთანხმებას მიაღწია, მაგრამ მომუშავე პერსონალზე და ფეხბურთელებზე მოლაპარაკებები მაინც მიმდინარეობს."

"შესაძლოა ამას რამდენიმე საათი, ან დღეებიც კი დასჭირდეს, მაგრამ ეს შეთანხმება მიღწეული იქნება."

SkySports

გსურთ ვან პერსი კაპიტნად?

არა

კი

ხმის მიცემა შედეგები