რაიან გიგზისთვის არავის მიუცია იმის იმედი და პირობა, რომ ის "იუნაიტედის" მთავარი მწრთვნელის პოსტს სამუდამოდ დაიკავრებს.

გასაგებია, რომ 40 წლის რაიანი, მზადაა ყველაფერი შესწიროს "იუნაიტედს", მზადაა ღირსეულად შეცვალოს დევიდ მოიესი, რომელიც გასულ კვირას დაითხოვეს, მაგრამ მას დარჩენილი მატჩების მაღალ დონეზე ჩატარება მოუწევს. გიგზი ინტერვიუების დროს ძალიან ფრთხილობდა და ამის შესახებ არც მატჩამდე და არც მატჩის შემდეგ არანაირი კომენტარი არ გაუკეთებია.

თუმცა, მან, როგორც მწრთვნელმა დაიმსახურა მოწონება უეინ რუნისა და ანდრეს ლიდეგაარდს შორის. მართალია, "იუნაიტედმა" მტკიცედ განაცხადა, რომ გიგზი მთავარი მწრთვნელის პოსტს მხოლოდ დროებით დაიკავებს და მენეჯერად მათ უფრო გამოცდილი მწრთვნელები სჭირდება, მაგალითად როგორიცაა ლუის ვან გაალი და კარლო ანჩელოტი.

მაგრამ გულშემატკივრები აქტიურობას არ წყვეტენ და გიგზს ითხოვენ. გიგზის ირგვლივ აგორებული ჭორები რათქმაუნდა გაიზრდება, თუ ის შეძლებს დარჩენილი სამი თამაშის მოგებას "სანდერლენთან", "ჰალ სიტისთან" და "საუთჰემპტონთან".

სეზონის წარმატებული დასასრული მნიშვნელოვანია, რადგან "იუნაიტედი" ჯერ კიდევ იბრძვის ევროპული ჩემპიონატისთვის და დარჩენილი თამაშების მოგებით მას ევროპის ლიგაზე მოხვედრის საშუალება ეძლევა.

"იუნაიტედმა" ბოლო თამაში საოცრად ჩაატარა, გიგზმა დაპირება შეასრულა და "ოლდ ტრაფორდზე" ღიმილი დააბრუნა. თუმცა, ხელმძღვანელობა კიდევ თავს იკავებს 92 წლის კლასის ბიჭებზე საუბრისგან და მათ გამოცდას აპირებს.

ეს ყველაფერი კი ლუის ვან გაალთანაც ართულებს ყველაფერს, რადგანაც თუ ის მოვა "ოლდ ტრაფორდზე" ხუთი მწრთვნელის მოყვანა სურს თავისთან ერთად.

ManchesterNews