"მანჩესტერ იუნაიტედის" ხელმძღვანელობა უარს ამბობს დევიდ მოიესის შესაძლო გაშვების შესახებ განცხადების გაკეთებაზე.
კვირას განცდილი მარცხის შემდგომ მალევე გამოჩნდა ჭორები იმის თაობაზე, რომ გლეიზერების ოჯახის მოთმინება უკვე ამოიწურა და ისინი უკვე აპირებენ მოიესის გაშვებას, რომელსაც მოსვლის დღიდანვე არ იწონებდნენ.
მაგალითად The Telegraph თავის სტატიაში, რომლის თარგმანის ავტორიც მარიამი გახლავთ ამტკიცებს, რომ მოიესის გაშვება შესაძლოა მომდევნო შეხვედრის გამართვამდე მოხდეს. მომდევნო შეხვედრა კი შაბათს გაიმართება "ნორვიჩის" წინააღმდეგ და გუნდს დროებით ამ მატჩში და სეზონში დარჩენილ ყველა შეხვედრაში რაიან გიგზი უხელმძღვანელებს. მოიესთან ერთად კლუბს მთელი თავისი სამწვრთნელო შტაბი დატოვებს.
ცნობილმა გამოცემამ BBC - მ გამოკითხვა ჩაატარა "იუნაიტედში" მოიესის შესაძლო წასვლის თაობაზე, მაგრამ კლუბის მესვეურები თავს იკავებენ პასუხის გაცემისგან. მოსალოდნელია, რომ ოფიციალურმა გაცნხადებამაც არ დააყოვნოს.
Sky Sports კი საერთოდ ამტკიცებს, რომ მოიესის განთავისუფლება უახლოეს 24 საათში მოხდება.