გლაიზერების ოჯახმა, დევიდ მოიესის განთავისუფლება გადაწყვიტეს და სულ მალე ჩვენ მას "ოლდ ტრაფორდზე" ვეღარ ვიხილავთ. სულ რაღაც 11 თვის წინ, დევიდ მოიესმა ექვსწლიან კონტრაქტს მოაწერა ხელი, მას თითქმის ყველაფერი ჰქონდა, თუმცა მისმა მარცხმა "ევერტონთან" მოიესს ხელმძღვანელობისა და გლაიზრების ნდობა დააკარგვინა.
მოიესთან ერთად, "ოლდ ტრაფორდს" ალბათ მისი საწრთვნელო შტაბიც დატოვებს, ხელმძღვანელობას აღარც მათი იმედი აღარ აქვს, თუმცა ისინი ძალიან ცდილობდნენ ფეხბურთელებისა და კლუბის მხარდაჭერის მოპოვებას.
"იუნაიტედს" მოიესის შემცვლელი ჯერ კიდევ არ მოუძებნია, რადგანაც გლაზიერებს ჯერ კიდევ სჯეროდათ "რჩეულის" ბოლო მარცხამდე. თუმცა, არის ერთი, შესანიშნავი ვარიანტი, რომელიც ალბათ ხელსაყრელი იქნება კლუბისთვის და გულშემატკივარსაც გაახარებს და ეს იურგენ კლოპია. 46 წლის მენეჯერმა, გერმანიაში არაფრისგან საკმაოდ ძლიერი კლუბი შექმნა და დააკომპლექტა ახალგაზრდა ფეხბურთელებით. როგორც პრესა იტყობინება, სწორედ მას მოიაზრებენ მოიესის შემცვლელად. თუმცა "იუნაიტედის" მენეჯერის პოსტისთვის მას ვან გაალი, დიეგო სიმეონე და რაიან გიგზი ეცილებიან.
როგორც ცნობილია, გლაიზერები გუნდის წარდგენებით ძალიან იმედგაცრუებულნი არიან. მათ იცოდნენ, რომ ფერგიუსონის წასვლა დიდ პრობლემბსა და გარკვეულ უწესრიგობასაც გამოიწვევდა კლუბში, მაგრამ მეშვიდე ადგილს ნამდვილად არ მოელოდნენ და ამით არ კმაყოფილდებიან.
"იუნაიტედს" ექვსქულიანი ხარვეზი აქვს აღმოსაფხვრელი "ტოტენჰემის" გადასასწრებლად და ევროპის ლიგაზე გასასვლელად. თუმცა ევროპის ლიგაც დიდი იმედგაცრუებაა წითელი არმიისთვის, რადგანაც ჩემპიონთა ლიგა 1981-82 სეზონის შემდეგ პირველად ჩატარდება "იუნაიტედის" გარეშე.
ამასთან ერთად, "იუნაიტედმა" კიდევ ერთი ანტირეკორდი დაამყარა და ისინი ყველაზე ცუდად მოთამაშე ჩემპიონები არიან "პრემიერ ლიგის" ისტორიაში, რადგანაც მათი ადგილმდებარეობა 1996 წლის "ბლექბარნის" მეშვიდე ადგილს უტოლდება.
გლაიზერებმა და ვუდვარდმა მოიესის დატოვებით კლუბის ნგრევას ხელი შეუწყვეს. მათ მაშინაც კი არ დაატოვებინეს მოიესს პოსტი, როცა "იუნაიტედი" საკუთარ სტადიონზე, სამარცხვინოდ დამარცხდა "ლივერპულთან". ახლა კი აშკარაა, რომ მოიესი მთავარი ფაქტორია იმ წარუმატებლობისა რაც ამ სეზონში ხდება და მას სიტუაციის გამოსასწორებლად უბრალოდ ძალები არ ეყოფა.
არის კიდევ ერთი ფაქტორი, მოიესს ფერგიუსონი უჭერდა მხარს. მაგრამ საშინელი წარდგენები და შედეგები ეს სწორედ ისაა, რამაც ფერგიუსონის სიტყვების მიუხედავად გულშემატკივარს რწმენა დააკარგვინა და არა მარტო გულშემატკივარს, როგორც ცნობილია, მოიესს კამათი მოუვიდა რაიან გიგზსა და ველშმენთან.
მოიესმა ზაფხულში არასწორი ტრანსფერი გააკეთა და £27.5 მილიონი გადაიხადა ფელაინში, რომელიც ვერაფრით ვერ ეხმარება გუნდს, მიუხედავად ამისა, გლაიზერებმა არ დაკარგეს მისი რწმენა და ზამთარში ხუან მატას ყიდვის საშუალება მისცეს. მაგრამ შედეგს ყველა კარგად ხედავს. "მანჩესტერმა" 22 თამაშდან 10 წააგო და "იუნაიტედი" ჩემპიონთა ლიგის გარეშე დარჩა. კვირის წაგება მეთერთმეტე იყო და ამ ყველაფრის შემდეგ "იუნაიტედი" 1990 წლის შემდეგ პირველად ჩამოვა მეშვიდე ადგილზე.
ალბათ ყველას ახსოვს ერთი თვის წინ როგორ გადაიფრინა ბანერმა "ოლდ ტრაფორდზე", ამის შემდეგ მოიესს უფრო და უფრო მეტი მოწინააღმდეგე გამოუჩნდა და მათი რიცხვი დღითიდღე მატულობს.
თუ მოიესი დატოვებს პოსტს მისი ბოლო თამაშის შემდეგ "საუთჰემპტონთან" 11 მაისს, მის ნაცვლად კლუბს სეზონის ბოლომდე რაიან გიგზი ჩაიბარებს.
Telegraph.co.uk