"მანჩესტერ იუნაიტედს" იმედი აქვს, რომ ტონი კროოსის შესყიდვის დაჩქარებას მოახერხებს და ამის სანაცვლოდ კლუბი მზადაა გერმანელს 260 ათასი ფუნტი შესთავაზოს - იტყობინება The Guardian.

როგორც ვიცით, კროოსის მოქმედი კონტრაქტი გერმანულ კლუბთან 2015 წელს იწურება. მხარეები კი ვერაფრით ახერხებენ ახალი კონტრაქტის პირობების შეთანხმებას და როგორც ამბობენ, ტონი მზადაა "იუნაიტედის" ვარიანტი განიხილოს.

"ბაუერნის" ხელმძღვანელები ადრე აცხადებდნენ, რომ კროოსი არ იყიდება და იგი კიდევ რამდენიმე სეზონს დაჰყოფს გერმანიაში. მოიესიც აღიარებს, რომ კროოსის გადმობირება რთული იქნება, თუმცა შოტლანდიელი არ უარყოფს მის მიმართ ინტერესს.

ტრანსფერის განხორციელების შემთხვევაში კროოსი "იუნაიტედის" მეორე, ყველაზე მაღალანაზღაურებადი ფეხბურთელი იქნება და მას ამ კომპონენტში მხოლოდ უიენ რუნი აჯობებს.

ბოლოს დავამატებ, რომ ამ დღეებში "ბაიერნმა" "აინტრახტის" ფეხბურთელი, სებასტიან როდე იყიდა, რომელიც იმავე პოზიციაზე თამაშობს, რომელზეც ტონი კროოსი. შეიძლება ითქვას მიუნხენელები უკვე მზად არიან კროოსის გაშვებისთვის.

fapl.ru